హైదరాబాద్ కింగ్ కోఠి ఆసుపత్రిలో కరోనా రోగి తప్పించుకున్నాడు. మహబూబాబాద్ జిల్లా తొర్రూరులో ప్రత్యక్షమయ్యాడు. అతని తమ్ముడి ద్వారా పోలీసులు సమాచారం తెలుసుకోగా వరంగల్ జిల్లా వర్ధన్నపేట పోలీస్స్టేషన్ పరిధిలో బస్సును నిలిపివేశారు.
వరంగల్ జిల్లా రాయపర్తి మండలం కొండాపురం గ్రామానికి చెందిన పున్నం వెంకన్నకు కరోనా పాజిటివ్ రాగా అతను హైదరాబాద్లోని కింగ్ కోఠి ఆసుపత్రిలో చికిత్స పొందుతున్నారు. అయితే అతను ఆసుపత్రి నుంచి తప్పించుకుని ఎల్బీ నగర్ వద్ద సూర్యాపేట బస్సు ఎక్కాడు.
అక్కడి నుంచి తొర్రూరు వెళ్లేందుకు బస్సు ఎక్కాడు. అతని తమ్ముడి ద్వారా సమాచారం తెలుసుకున్న పోలీసులు వర్ధన్నపేట పీఎస్ పరిధిలో ఆర్టీసీ బస్సును నిలిపివేశారు. అధికారుల చేత వాహనాన్ని పూర్తిగా శానిటైజ్ చేయించారు.
