కుమురం భీం జిల్లా కాగజ్నగర్ పట్టణంలో కోనేరు చారిటబుల్ ట్రస్ట్ ఆధ్వర్యంలో 15 ఆక్సిజన్ సిలిండర్లను ఎమ్మెల్యే కోనేరు కోనప్ప అందజేశారు. కాగజ్నగర్ ఆర్డీవో ఆధ్వర్యంలో అవసరం ఉన్న కొవిడ్ రోగులకు అందజేయాలని సూచించారు. కొవిడ్తో పోరాడుతూ ప్రభుత్వ ఆసుపత్రుల్లో చికిత్స పొందుతున్న వారికి ప్రాణవాయువు అందక ఇబ్బంది పడుతున్నారని.. అటువంటి వారికి ఆక్సిజన్ అందించాలని కోరారు.
కొవిడ్ సోకిన వారు ఆత్మస్థైర్యం కోల్పోకుండా సరైన చికిత్స తీసుకుంటే సులభంగా కొలుకోవచ్చని అన్నారు. కొవిడ్ చికిత్స పొందుతున్నవారు ఏ అవసరం వచ్చిన తనను సంప్రదించాలని తెలిపారు.
