పకడ్బందీగా పురపాలక ఎన్నికలు

పురపాలక ఎన్నికల్లో మద్యం, డబ్బును అరికట్టేందుకు అధికారులు పకడ్బందీ చర్యలు చేపట్టారు. కుమురం భీం జిల్లా కాగజ్​నగర్ వద్ద పోలీసులు రెండు చెక్​పోస్టులను ఏర్పాటు చేసి తనిఖీలు నిర్వహిస్తున్నారు.

పురపాలిక ఎన్నికల్లో మద్యం, డబ్బు అక్రమ రవాణాను అడ్డుకునేందుకు అధికారులు పకడ్బందీ చర్యలు తీసుకుంటున్నారు. కుమురం భీం జిల్లా కాగజ్ నగర్ పురపాలికలో ఎన్నికలు జరుగనున్న నేపథ్యంలో నగర పొలిమేరల్లో చెక్​ పోస్టులను ఏర్పాటు చేశారు.

వంజిరి అటవీ శాఖ చెక్​పోస్ట్, డాడా నగర్ వద్ద చెక్​పోస్ట్​లను ఏర్పాటు చేశారు. ఒక్కో తనిఖీ కేంద్రం వద్ద రెవెన్యూ, పోలీస్, ఆబ్కారీ సిబ్బంది విధులు నిర్వహిస్తూ విస్తృతంగా వాహన తనిఖీలు నిర్వహిస్తున్నారు.

ఇవీ చూడండి;బస్తీమే సవాల్: మున్సిపల్​ వార్​లో యువత బస్తీమే సవాల్