ఖమ్మంలో బ్లడ్​బ్యాంక్​ ప్రారంభించిన మంత్రి

ఖమ్మంనగరంలో నూతనంగా ఏర్పాటు చేసిన విజయశ్రీ బ్లడ్​ బ్యాంకును మంత్రి పువ్వాడ అజయ్​కుమార్​ ప్రారంభించారు. పేదలకు సేవ చేయాలనే ఉద్దేశంతోనే ఈ రక్తనిధి కేంద్రాన్ని ఏర్పాటు చేసినట్లు నిర్వాహకులు తెలిపారు.

ఖమ్మం పట్టణంలో అధునాతన సౌకర్యాలతో ఏర్పాటు చేసిన విజయశ్రీ బ్లడ్‌ బ్యాంక్‌ను రాష్ట్ర రవాణా మంత్రి పువ్వాడ అజయ్‌కుమార్‌ ప్రారంభించారు. నగరంలోని నెహ్రూనగర్‌లో ఈ కేంద్రాన్ని ఏర్పాటు చేశారు. జిల్లాలోనే మొదటి సారిగా వైద్యుడి పర్యవేక్షణలో ఈ బ్లడ్‌ బ్యాంక్‌ను నెలకొల్పినట్లు నిర్వాహకులు తెలిపారు.

పేదలకు మెరుగైన సేవలు అందించాలనే ఉద్దేశంతోనే ప్రారంభించినట్లు పేర్కొన్నారు. కార్యక్రమంలో నామ నాగేశ్వరరావు, ఇతర స్థానిక నేతలు పాల్గొన్నారు.

ఇదీ చూడండి: నా పక్షి పోయింది.. వెతికి పెట్టండి!