ఖమ్మం జిల్లా నేలకొండపల్లి మండల కేంద్రంలోని కొనుగోలు కేంద్రాల్లో ధాన్యాన్ని కొనుగోలు చేయటం లేదని రైతులు ధర్నా నిర్వహించారు. కొనుగోలు చేసిన ధాన్యాన్ని లారీలో తీసుకెళ్లి.. ధాన్యం సరిగా లేదనే సాకుతో లారీలను వెనుకకు తీసుకొచ్చారని వాపోయారు. ఒక్కో లారీకి 20 నుంచి 40 బస్తాలు కోత విధిస్తామని చెప్పడంతో ఆందోళన చెందిన రైతులు కోదాడ-ఖమ్మం జాతీయ రహదారిపై ధర్నా నిర్వహించారు.
ప్రభుత్వానికి వ్యతిరేకంగా నినాదాలు చేస్తూ.. రాస్తారోకో నిర్వహించారు. రహదారిపై కొన్ని కిలోమీటర్ల వరకు వాహనాలు స్తంభించిపోయాయి. స్థానిక తహసీల్దార్ రైతుల వద్దకు చేరుకొని.. సమస్యను ప్రభుత్వం దృష్టికి తీసుకెళ్తానని హామీ ఇవ్వడంతో రైతులు ఆందోళన విరమించారు.
ఇదీ చూడండి: 'పోస్టులు భర్తీ చేస్తారా.. కారుణ్య మరణాలకు అనుమతిస్తారా.?'
