ఊరంతా తిరుగుతూ శానిటైజ్​ చేసిన సర్పంచ్

కరోనా ఉద్ధృతి వేళ ఖమ్మం జిల్లాలోని బోనకల్​ సర్పంచ్​.. గ్రామంలో శానిటైజేషన్​ చేశారు. సొంత ఖర్చులతో.. ట్రాక్టర్​పై ఊరంతా తిరుగుతూ రసాయనాన్ని పిచికారీ చేశారు. ఎంతోమంది ప్రజాప్రతినిధులకు ఆదర్శంగా నిలిచారు.

ఖమ్మం జిల్లాలోని బోనకల్​ గ్రామంలో రోజురోజుకు పెరుగుతోన్న కొవిడ్​ కేసులు ఆందోళన కలిగిస్తోన్నాయి. కరోనా వ్యాప్తి కట్టడి దృష్ట్యా సర్పంచ్ సైదా నాయక్.. గ్రామంలో స్వయంగా శానిటైజ్​ చేశారు. సొంత ఖర్చులతో.. ట్రాక్టర్​పై ఊరంతా తిరుగుతూ రసాయనాన్ని పిచికారీ చేశారు. ఎంతోమంది ప్రజాప్రతినిధులకు ఆదర్శంగా నిలిచారు.

ప్రజలంతా అవసరమైతే తప్ప బయటకు రావొద్దని సైదా నాయక్​ సూచిస్తున్నారు. మహమ్మారి పట్ల ప్రతి ఒక్కరు అప్రమత్తంగా ఉండాలని కోరుతున్నారు. మాస్క్, భౌతిక దూరం లాంటి ప్రభుత్వ నిబంధనలను పాటించాలని గ్రామ ప్రజలకు విజ్ఞప్తి చేస్తున్నారు.

ఇదీ చదవండి: srinivas goud: వృద్ధ కళాకారులకు పింఛను మొత్తం పెంచడంపై కృతజ్ఞతలు