కరోనా వైరస్పై కరీంనగర్ జిల్లా హుజూరాబాద్లో మంత్రి ఈటల రాజేందర్ ఈటీవీ భారత్తో మాట్లాడారు. రాష్ట్రంలో కరోనా వైరస్ వ్యాధి బాధితులు లేరని మంత్రి అన్నారు. గాంధీ ఆస్పత్రిలో ఇప్పటికే ఆ లక్షణాలపై 60-70 మందికి వైద్య పరీక్షలు నిర్వహించామన్నారు. తెలంగాణ రాష్ట్రంలో యుద్ధ ప్రాతిపదికన అన్ని ఏర్పాట్లు చేసుకున్నామన్నారు. గాంధీ, ఫీవర్‌, ఛాతీ ఆసుపత్రిల్లో ఐసోలేటెడ్‌ వార్డులు ఏర్పాటు చేశామన్నారు. ఈ వైరస్పై మా శాఖ ఎప్పటికప్పడు ప్రకటన విడుదల చేస్తోందన్నారు. వైరస్ వచ్చినప్పుడు తీసుకోవాల్సిన జాగ్రత్తలను వివరిస్తున్నారన్నారు. కరోనా వైరస్ సాధారణంగా జలుబు లక్షణాలను కలిగి ఉంటుందన్నారు. అటువంటి లక్షణాలు ఉంటే వెంటనే వైద్యులను సంప్రదించాలన్నారు.
చైనాలో ప్రారంభమైన కరోనా వైరస్తో ఇప్పటికే ఆ దేశంలో 760 మరణానికి కారణమైందన్నారు. 26 దేశాలకు వ్యాపించిదన్నారు. భారత ప్రభుత్వం వూహాన్‌ నగరంలో ఉన్న 700 మందిని రెండు ప్రత్యేక విమానాల్లో ఇక్కడికి తీసుకొచ్చి ఐసోలేటేడ్‌ వార్డల్లో పరీక్షలు జరిపారని, ఎక్కడా కూడ పాజిటివ్‌ కేసులు నమోదు కాలేదన్నారు.
ఇదీ చూడండి : మేడారం జాతరకు వెళ్లొచ్చేలోపు ఇళ్లు గుల్ల
