కరీంనగర్ జిల్లా చొప్పదండిలో పోలీస్ అమరవీరుల సంస్మరణ వారోత్సవాలు నిర్వహించారు. ఈ సందర్భంగా స్థానిక ఠాణాలో పోలీస్ అధికారులు, కానిస్టేబుళ్లు, స్థానిక యువకులు రక్తదానం చేశారు. అనంతరం ఏర్పాటు చేసిన సమావేశంలో కరీంనగర్ గ్రామీణ ఏసీపీ విజయ సారధి మాట్లాడారు.
అసాంఘిక శక్తుల ఆట కట్టించేందుకు పోలీసులు తమ విధి నిర్వహణలో భాగంగా ప్రాణ త్యాగాలు చేశారని ఏసీపీ పేర్కొన్నారు. ఈ సందర్భంగా సమాజంలో శాంతిని పరిరక్షించేందుకు పోలీసులు నిరంతరం కృషి చేస్తారని తెలిపారు. వారోత్సవాల్లో భాగంగా రక్తదానం చేసిన వారికి కృతజ్ఞతలు తెలిపారు. కార్యక్రమంలో సీఐ రమేశ్, ఎస్సై వంశీ కృష్ణ తదితరులు పాల్గొన్నారు.
ఇదీ చూడండి.. కేటీఆర్ను కలిసిన హీరో రామ్ .. రూ.25 లక్షల విరాళం
