'రైతులకు, మహిళలకు తెరాస ప్రభుత్వం పెద్దపీట'

జోగులంబ గద్వాల జిల్లా ధరూర్ మండలం పెద్దపాడులో పలు అభివృద్ధి పనులను ఎమ్మెల్యే కృష్టమోహన్​ ప్రారంభించారు. రైతులు, మహిళల సంక్షేమం కోసం తెరాస సర్కారు కృషి చేస్తోందని ఎమ్మెల్యే తెలిపారు.

జోగులంబ గద్వాల జిల్లా ధరూర్ మండలం పెద్దపాడులో ఎమ్మెల్యే కృష్టమోహన్​ పర్యటించారు. రూ. 15 లక్షల వ్యయంతో నిర్మించిన వైకుంఠధామం, శాంటిగ్రేషన్​షెడ్​లను ఎమ్మెల్యే ప్రారంభించారు. మనిషి జన్మించిన తర్వాత చేరుకొనే చివరి పుణ్యస్థలమే వైకుంఠధామమని ఎమ్మెల్యే అభివర్ణించారు. 50 ఏళ్లు కాంగ్రెస్​... 20 ఏళ్లు తెదేపా పాలించినా... కనీసం గ్రామాల్లో వైకుంఠధామలను కూడా నిర్మించలేరని మండిపడ్డారు.

రైతులకు, మహిళలకు తెరాస ప్రభుత్వం పెద్దపీట వేస్తోందని వివరించారు. సంక్షేమ పథకాలు అమలుచేస్తూ... రైతుల పక్షపాతిగా నిలిచిన కేసీఆర్​కు ప్రత్యేక ధన్యవాదాలు తెలిపారు.

ఇదీ చూడండి: వ్యవసాయేతర ఆస్తుల రిజిస్ట్రేషన్లకు మొరాయిస్తున్న సర్వర్లు