సీఎం కేసీఆర్ చిత్రపటానికి రజక సంఘం పాలాభిషేకం

జయశంకర్ భూపాలపల్లి జిల్లా కేంద్రంలో సీఎం కేసీఆర్ చిత్రపటానికి రజక సంఘం క్షీరాభిషేకం నిర్వహించింది. దోబీ ఘాట్లకు ఉచిత విద్యుత్​ను ఇవ్వడం పట్ల సంతోషం వ్యక్తం చేసింది. రజకుల ఆత్మ బంధువు సీఎం కేసీఆర్ అని వారు కొనియాడారు.

లాండ్రీ, సెలూన్ షాపులు, దోబీ ఘాట్లకు 250 యూనిట్ల వరకు ఉచిత విద్యుత్​ను ఇవ్వడం పట్ల రజక సంఘం హర్షం వ్యక్తం చేసింది. ఈ నిర్ణయం పట్ల ఆనందం వ్యక్తం చేస్తూ జయశంకర్ భూపాలపల్లి జిల్లా కేంద్రంలోని అంబేడ్కర్ చౌరస్తాలో సీఎం కేసీఆర్ చిత్రపటానికి పాలాభిషేకం చేశారు.

రజకుల ఆత్మబంధువు సీఎం కేసీఆర్ అని కొనియాడారు. రానున్న రోజుల్లో కార్పొరేషన్ లోన్లలో తమకు ప్రాధాన్యతనివ్వాలని కోరారు. హైదరాబాద్​లో రజక భవనాన్ని నిర్మించాలని విజ్ఞప్తి చేశారు.

ఇదీ చదవండి: రాష్ట్రంలో నేడు పలు ప్రాంతాల్లో వర్షాలు