జయశంకర్ భూపాలపల్లి జిల్లా కేంద్రంలో భాజపా రాష్ట్ర అధ్యక్షుడు బండి సంజయ్ను పోలీసులు అరెస్ట్ చేశారు. పెద్దపల్లి జిల్లా మంథనిలో పార్టీ కార్యక్రమానికి హాజరై... కేయూ విద్యార్థి సునీల్ అంతక్రియలకు వెళ్తున్న క్రమంలో బాంబుల గడ్డ వద్ద సంజయ్ను పోలీసులు అడ్డుకున్నారు. బండి సంజయ్ను అరెస్టు చేసి పోలీస్స్టేషన్కు తరలించారు.
బండి సంజయ్ వెంట మాజీ ఎంపీ వివేక్, మాజీ ఎమ్మెల్యే బొడిగే శోభ ఉన్నారు. సంజయ్ అరెస్టును నిరసిస్తూ అంబేడ్కర్ సెంటర్లో జిల్లా పార్టీ అధ్యక్షుడు కన్నం యుగంధర్ ఆధ్వర్యంలో భాజపా నాయకులు రాస్తారోకో నిర్వహించారు. ఘటనాస్థలికి పోలీసులు చేరుకొని ధర్నాను విరమింపజేశారు.
ఇదీ చూడండి: 'సునీల్ నాయక్ ఆత్మహత్యకు ప్రభుత్వమే కారణం'
