విద్యుదుత్పత్తి కేంద్రంలో ఆయిల్​ లీకేజీ.. తప్పిన ప్రమాదం

జయశంకర్​ భూపాలపల్లి జిల్లాలోని కాకతీయ థర్మల్​ విద్యుదుత్పత్తి కేంద్రంలో పెను ప్రమాదం తప్పింది. జనరేటర్​ విభాగంలో ఆయిల్​ లీకేజీ అవ్వడంతో సిబ్బంది అప్రమత్తమయ్యారు.

జయశంకర్ భూపాలపల్లి జిల్లా గణపురం మండలం చెల్పూర్ కాకతీయ థర్మల్ విద్యుదుత్పత్తి కేంద్రంలో త్రుటిలో ప్రమాదం తప్పింది. 500 మెగావాట్ల ఈ కేంద్రంలోని జనరేటర్​ విభాగంలో ఆయిల్​ లీక్​ అయింది. వెంటనే అక్కడ ఉన్న సిబ్బంది అప్రమత్తం అవడంతో పెను ప్రమాదం నుంచి బయటపడ్డారు. హుటాహుటిన విద్యుదుత్పత్తి నిలిపివేశారు. సంఘటనా స్థలానికి చేరుకున్న కేటీపీపీ ఉన్నతస్థాయి అధికారులు.. సిబ్బంది సాయంతో మరమ్మతు చర్యలు చేపట్టారు.

ఇదీ చదవండి: 30 ఏళ్ల అనుభవం ఉన్నా అభివృద్ధి సున్నా: కేసీఆర్​