జయశంకర్ భూపాలపల్లి జిల్లా కాళేశ్వరం ప్రాజెక్టులోని కన్నెపల్లి లక్ష్మి పంపుహౌస్లో అదనపు టీఎంసీ పనుల్లో భాగంగా ఆఖరిదైన 17వ మోటారు ట్రయల్ రన్ నిర్వహించారు. డెలివరీ ఛానల్ వద్ద 33, 34వ పైపుల ద్వారా కొద్దిసేపు జలాలు ఎత్తిపోశాయి. అదనపు టీఎంసీ పనుల్లో భాగంగా ఇప్పటికే 6 మోటార్లను అమర్చి ట్రయల్ రన్ పూర్తి చేశారు.
ఆఖరు మోటారుకు కూడా విజయవంతంగా ట్రయల్రన్ నిర్వహించగా... పంప్హౌస్ నుంచి గోదావరి జలాలు డెలివరీ ఛానల్ ద్వారా గ్రావిటీ కాలువలో ఎత్తిపోశాయి. అదనపు టీఎంసీ పనులు ఇప్పటికే పూర్తి కావాల్సి ఉన్నా... కరోనా కారణంగా విదేశాల నుంచి మోటార్ల దిగుమతి ఆలస్యమైంది. కరోనా సడలింపులతో మోటార్లు తెప్పించిన అధికారులు పనుల్లో వేగం పెంచారు.
