జగిత్యాల జిల్లా కొడిమ్యాలలో తెరాస కార్యకర్తలతో కలిసి ఎమ్మెల్యే సుంకె రవిశంకర్ బైక్ ర్యాలీ నిర్వహించారు. రాష్ట్ర ప్రభుత్వ పనితీరును కార్యకర్తలు ప్రజల్లోకి తీసుకెళ్లాలని కోరారు. ప్రాణాలకు తెగించి ప్రత్యేక రాష్ట్రం సాధించిన ముఖ్యమంత్రి కేసీఆర్... సంక్షేమ పథకాలు, అభివృద్ధియే అజెండాగా పరిపాలన చేస్తున్నారని అన్నారు. అభివృద్ధి ప్రక్రియ నిరంతరం సాగేందుకు తెరాస శ్రేణులు ఐకమత్యంతో ఉండాలని కోరారు. కార్యకర్తలందరికీ తాను తోబుట్టువులా ఉంటానని హామీ ఇచ్చారు. తెరాసకి కార్యకర్తలు పునాది రాళ్లవంటి వారని అన్నారు.
రాష్ట్రంలో చేపట్టిన సంక్షేమ పథకాల్లో ఏ ఒక్కటీ... భాజపా అధికారంలో ఉన్న రాష్ట్రాల్లో అమలు చేయటం లేదన్నారు. జీహెచ్ఎంసీ ఎన్నికల్లో అనేక హామిలిచ్చిన భాజపా నాయకులు ఫలితాల అనంతరం వాటిని మర్చిపోయారని ఆరోపించారు. కేవలం విద్వేషాలతో భాజపా నేతలు పరిపాలన చేస్తున్నారని ధ్వజమెత్తారు. తమ హక్కుల కోసం ఉద్యమిస్తున్న రైతులను నానా ఇబ్బందులకు గురి చేస్తున్నారని విమర్శించారు.
ఇదీ చదవండి: సీసీఐకి మంత్రి నిరంజన్ రెడ్డి లేఖ
