ప్లాస్టిక్​ను నివారిద్దాం-పర్యావరణాన్ని కాపాడుకుందాం

ప్రపంచ పర్యావరణ దినోత్సవం సందర్భంగా జీహెచ్​ఎంసీ అధికారులు ముషీరాబాద్​లో అవగాహన కార్యక్రమం నిర్వహించారు. పర్యావరణ పరిరక్షణ కోసం వివిధ వర్గాల ప్రజలను చైతన్యవంతం చేయడమే లక్ష్యంగా ముందుకు సాగుతున్నట్లు అధికారులు పేర్కొన్నారు.

సమాజంలో ప్రతి ఒక్కరూ బాధ్యతగా పర్యావరణ పరిరక్షణకు కృషి చేయాలని జీహెచ్​ఎంసీ అధికారులు సూచించారు. పర్యావరణ దినోత్సవాన్ని పురస్కరించుకొని ముషీరాబాద్​లో... ప్లాస్టిక్​ను నివారిద్దాం-పర్యావరణాన్ని కాపాడుకుందాం అంటూ నినాదాలు చేశారు. సమాజాన్ని పట్టిపీడిస్తున్న కలుషిత వ్యర్థాలను ఉత్పత్తిని అరికట్టడమే లక్ష్యంగా అందరూ ముందుకు సాగాలని జీహెచ్​ఎంసీ అధికారిణి ఉమాప్రకాశ్ వెల్లడించారు. ఈ సందర్భంగా స్థానిక మసీదులో ప్రార్థన చేయటానికి వచ్చిన ముస్లిం సోదరులకు మొక్కలు పంపిణీ చేశారు.

ఇవీ చూడండి: పర్యావరణ పరిరక్షణకై దక్షిణ మధ్య రైల్వే