'సంజయ్ను అధ్యక్షునిగా నియమించడం దురదృష్టకరం'
సీఎం కేసీఆర్పై భాజపా రాష్ట్ర అధ్యక్షుడు సంజయ్ కుమార్, మాజీ అధ్యక్షుడు లక్ష్మణ్ చేసిన వ్యాఖ్యలను ఖండిస్తున్నామని ప్రభుత్వ విప్ కర్నె ప్రభాకర్ తెలిపారు. కేంద్రం నుంచి నిధులు తీసుకురావడానికి ప్రయత్నించాల్సింది పోయి.. లక్ష్మణ్కు.. తన పదవీకాలమంతా.. రాష్ట్ర ప్రభుత్వాన్ని దూషించడానికే సరిపోయిందని కర్నె విమర్శించారు.
ఇప్పుడు నూాతన భాజపా రాష్ట్ర అధ్యక్షుడు సంజయ్ కూడా లక్ష్మణ్ దారిలోనే ప్రయాణిస్తున్నారని మండిపడ్డారు. బాధ్యతలు తీసుకున్న తొలిరోజే... రాష్ట్రాభివృద్ధి గురించి మాట్లాడకుండా.. తెరాస ప్రభుత్వంపై విమర్శలు చేశారని కర్నె ధ్వజమెత్తారు. రాష్ట్రంపై కనీస అవగాహన లేని బండి సంజయ్ను భాజపా రాష్ట్ర అధ్యక్షునిగా నియమించడం దురదృష్టకరమని అన్నారు.
- ఇదీ చూడండి : సీఏఏకి వ్యతిరేకంగా అసెంబ్లీలో తీర్మానం
