'వివేకానందుడిని యువత ఆదర్శంగా తీసుకోవాలి'

స్వామి వివేకానంద 158వ జయంతిని పురస్కరించుకొని వివేకానంద విగ్రహానికి పూలమాలలు వేసి ఎమ్మెల్యే సుధీర్ రెడ్డి ఘనంగా నివాళులు అర్పించారు. వివేకానందుడిని యువత ఆదర్శంగా తీసుకోవాలని సూచించారు. 2కి.మీ పొడవైన జాతీయ జెండాతో స్ఫూర్తి యాత్ర నిర్వహించారు.

వివేకానందుడిని యువత ఆదర్శంగా తీసుకోవాలని ఎల్బీనగర్ ఎమ్మెల్యే సుధీర్ రెడ్డి సూచించారు. గడ్డి అన్నారం డివిజన్ పరిధిలోని వివేకానంద నగర్ బస్టాప్ వద్ద ఉన్న వివేకానంద విగ్రహానికి పూలమాలలు వేసి ఘనంగా నివాళులు అర్పించారు. స్వామి వివేకానంద 158వ జయంతిని పురస్కరించుకొని 2కే రన్ నిర్వహించారు.

2కి.మీ జాతీయ జెండా

2కి.మీ పొడవైన జాతీయ జెండాతో సరూర్​నగర్ వివేకానంద నగర్ నుంచి చైతన్యపురి శివాజీ మహారాజ్ విగ్రహం వరకు తెరాస నాయకులు, అభిమానులతో కలిసి స్ఫూర్తి యాత్ర నిర్వహించారు. దేశాన్ని జాగృతం చేయడంలోనే కాకుండా యోగ, వేదాంత శాస్త్రాలను తన ఉపన్యాసాలు, వాదనల ద్వారా యువతకు పరిచయం చేసి ఖ్యాతి పొందారని ఎమ్మెల్యే వివరించారు.

ఇదీ చదవండి: యువతకు ఉండాల్సిన లక్షణాలు ఏంటంటే..?