రాష్ట్ర ప్రభుత్వం వెంటనే ఎంఎంటీఎస్‌ విస్తరణ పనులకు నిధులు విడుదల చేయాలని కేంద్ర హోంశాఖ సహాయ మంత్రి కిషన్ రెడ్డి పేర్కొన్నారు. రాష్ట్ర ప్రభుత్వం నిధులు విడుదల చేయని కారణంగానే పనులు నిలిచిపోయినట్లుగా తెలిపిన ఆయన.. ఈ మేరకు ముఖ్యమంత్రి కేసీఆర్‌కు లేఖ రాశారు.
యాదాద్రి వరకు..
ఎంఎంటీఎస్‌ విస్తరణ పనుల కోసం కేంద్రం ఇప్పటి వరకు 789కోట్లు ఖర్చు చేసిందని .. రాష్ట్ర ప్రభుత్వం నుంచి 414 కోట్లు విడుదల కాని కారణంగానే విస్తరణపనులు నిలిచిపోయాయని వివరించారు.
ప్రాజెక్ట్‌పై భారం
నిధుల విడుదల ఆలస్యమైతే ప్రాజెక్ట్‌పై భారం పెరుగుతుందని లేఖలో ప్రస్తావించిన కిషన్ రెడ్డి.. యాదాద్రి వరకు ఎంఎంటీఎస్‌ పనులను విస్తరించాలని కోరారు. అందుకు కేంద్రం నుంచి ఎటువంటి సహకారం కావాలన్న సహకరిస్తానని తెలిపారు.
ఇదీ చదవండి:'ఒక దేశం- రెండు వ్యాక్సిన్లు.. ఇదీ భారత్ సత్తా'
