ఆ బాలుడి వయసు... రెండేళ్ల ఎనిమిది నెలలు. తన అద్భుత జ్ఞాపకశక్తితో 90 రకాల కార్ల లోగోలను చూసి సంస్థల పేరు ఇట్టే చెప్పేస్తాడు. ఏ నుంచి జడ్ వరకు కార్ల బ్రాండ్ల పేర్లు చెప్తూ అందరిని అబ్బురపరిచాడు. అతనే కొంపల్లికి చెందిన మాస్టర్ బి.షంశ్రీతాన్ష్ కార్తికేయ. దీన్ని అరుదైన రికార్డుగా పేర్కొంటూ... ఆరు ప్రపంచ రికార్డు సంస్థలు ధ్రువపత్రాలు అందజేశాయి. హైదరాబాద్ బషీర్ బాగ్ ప్రెస్ క్లబ్లో ప్రతిభను ప్రదర్శించాడు.
నర్సరీ చదువుతున్న షంశ్రీతాన్ష్... పార్కింగ్ స్థలంలో ఉండే కార్ల లోగోలు, బ్రాండ్ పేర్లను నేర్పించినట్లు తల్లిదండ్రులు వంశీకృష్ణ, అనుపమ వివరించారు. ఈ ప్రతిభను భారత్ వరల్డ్ రికార్డ్స్, తెలుగు వరల్డ్ రికార్డ్స్, తెలంగాణ వరల్డ్ రికార్డ్స్, టాలెంట్ బుక్ ఆఫ్ రికార్ట్స్లలో ప్రపంచ రికార్డులుగా నమోదు చేశారు. రాష్ట్ర బీసీ కమిషన్ ఛైర్మన్ బీఎస్ రాములు, సభ్యులు వకుళాభరణం కృష్ణమోహన్ రావు, దైవజ్ఞశర్మ చేతుల మీదుగా రికార్డులను అందజేశారు.
ఇదీ చూడండి: పెద్దాయన రికార్డ్... 50 ఏళ్లలో 3వేల వివాహాలు
