సంగారెడ్డి ఎమ్మెల్యే జగ్గారెడ్డిపై ఉన్న రెండు కేసులను ప్రజా ప్రతినిధుల ప్రత్యేక న్యాయస్థానం కొట్టివేసింది. పంజాగుట్ట, సదాశివపేట పోలీసులు నమోదు చేసిన రెండు కేసుల్లో ఆధారాలు లేవని వెల్లడించింది. గతంలో రాజ్ భవన్ ముట్టడికి ప్రయత్నించారని పంజాగుట్ట పీఎస్లో ఓ కేసు నమోదైంది. అలాగే అనుమతి లేకుండా నిరసన కార్యక్రమం చేపట్టారని సదాశివపేట పోలీస్ స్టేషన్లో నమోదైన కేసులను విచారణ జరిపిన న్యాయస్థానం వాటిని కొట్టివేసింది.
హెరిటేజ్కేసు ఈనెల 20కి వాయిదా
హెరిటేజ్ పరువు నష్టం కేసు విచారణ జరిగింది. ఏపీ మంత్రి కన్నబాబు, ఎమ్మెల్యే అంబటి రాంబాబులపై ఎన్బీడబ్ల్యూ రీకాల్ పిటిషన్ వేసేందుకు కొంత గడువు కావాలని న్యాయవాదులు కోరారు. దీంతో ఈ కేసు విచారణను ఈనెల 20కి న్యాయస్థానం వాయిదా వేసింది.
ఇదీ చూడండి: Teenmaar Mallanna: ఎడవల్లి పోలీసుల కస్టడీలో తీన్మార్ మల్లన్న
