LIVE UPDATES: టీఆర్​ఎస్​ అంటే... తెలంగాణ రైతు సమితి: కేటీఆర్​

• రైతుల ఉత్సాహం చూస్తుంటే మరోసారి తెలంగాణ ఉద్యమం గుర్తుకొస్తోంది
• తెలంగాణ ఉద్యమ స్ఫూర్తితో మరోసారి రైతులంతా ఉద్యమించాలి: కేటీఆర్
• రైతులు ఎందుకు రోడ్డెక్కాల్సి వచ్చిందో ఆలోచించాలి: కేటీఆర్
• కేసీఆర్ నాయకత్వంలో ఏడున్నరేళ్ల క్రితం మన పాలన ప్రారంభమైంది
• తెలంగాణ ఏర్పడక ముందు రైతుల దుస్థితి ఏందో ఆలోచించాలి
• విద్యుత్, విత్తనాలు, ఎరువుల కోసం ధర్నాలు చేసే దుస్థితి
• కాంగ్రెస్ హయాంలో కనీసం ఐదారు గంటలు కూడా విద్యుత్ ఇచ్చే పరిస్థితి లేదు
• భూగర్భ జలాలు అడుగంటి బోర్లు వేసినా నీళ్లు రాక అప్పుల పాలయ్యారు
• ఉమ్మడి ఏపీలోనే రైతుల ఆత్మహత్యలు ఎక్కువని పార్లమెంట్‌లోనే చెప్పారు
• గతంలో చెరువులు, కుంటలను పట్టించుకోలేదు: కేటీఆర్
• నిరంతర విద్యుత్ సరఫరా తీసుకొచ్చిన ఏకైక సీఎం కేసీఆర్
• రైతులకు మంచి జరగాలనే సంకల్పం ఉంటే ఏదైనా సాధ్యమే
• గతంలో ఒకాయన సీఎంగా ఉంటే ఏడేళ్లు కరవే: కేటీఆర్
• కేసీఆర్ సీఎం అయ్యాక ఏడేళ్లలో ఎప్పుడైనా కరవు వచ్చిందా?
• ఏడు దశాబ్దాల్లో లేని 24 గంటల విద్యుత్ కేసీఆర్ ఒక్క ఏడాదిలో సాధించారు
• ఏడున్నరేళ్లలో కేసీఆర్ రైతులకు, వ్యవసాయానికి పెద్దపీట వేశారు
• 11 రాష్ట్రాలు సహా కేంద్ర ప్రభుత్వం కూడా మన పథకాలను కాపీ కొట్టారు
• రైతులకు బీమా అందిస్తోన్న ఏకైక ప్రభుత్వం తెరాసదే: కేటీఆర్
• ఏ రాష్ట్రంలో, ఏ ప్రభుత్వం అమలు చేయని పథకాలు తీసుకొచ్చాం
• కృష్ణా, గోదావరి నీళ్ల కోసం ఎన్నో పోరాటాలు చేశాం
• ప్రాజెక్టులకు పెద్దపీట వేసి బీడు భూములకు నీరు అందించాం
• మానేరులో మత్తడి దూకుతుందని ఎప్పుడైనా అనుకున్నామా
• కాళేశ్వరం చిన్నాచితక ప్రాజెక్టు కాదు: కేటీఆర్
• ప్రపంచంలోనే అతిపెద్దదైన బహుళ ఎత్తిపోతల ప్రాజెక్టు కాళేశ్వరం
• గోదావరి జలాలు సిరిసిల్ల సహా తెలంగాణ బీడు భూములకు అందుతున్నాయి
• ఒకట్రెండు కాదు లక్షల ఎకరాలకు కొత్తగా నీరిచ్చాం
• ఏడేళ్లలో కేసీఆర్ నాయకత్వంలో వ్యవసాయంలో అద్భుతమైన రికార్డులు నమోదు చేశాం
• వరి ధాన్యం ఉత్పత్తిలో తెలంగాణ.. పంజాబ్‌ను దాటిపోయింది
• ఒకప్పుడు రైతుల ఆత్మహత్యలకు కేరాఫ్ అడ్రస్ తెలంగాణ
• దిక్కుమాలిన కాంగ్రెస్ పాలనలో ఎక్కువగా రైతుల ఆత్మహత్యలు
• కేసీఆర్ నాయకత్వంలో రైతులకు పెద్దపీట వేశాం
• 3 కోట్ల టన్నుల వరి ధాన్యాన్ని తెలంగాణ రైతులు పండిస్తున్నారు
• అన్ని అమ్మాలి.. వడ్లు కొనవద్దన్నదే భాజపా విధానం: కేటీఆర్
• కేంద్రం అన్నింటినీ అమ్ముతోంది... వడ్లను మాత్రం కొనట్లేదు
• దేశంలో సాగుకు యోగ్యంగా 40 కోట్ల భూములు అందుబాటులో ఉన్నాయి
• దేశంలో 65 వేల టీఎంసీలు నీరు అందుబాటులో ఉంది
• దేశంలో వసతులు ఉన్నా వినియోగించుకోలేని దుస్థితి
• ప్రపంచ ఆకలి సూచీలో 116 దేశాల్లో భారత్‌ ర్యాంకు 102 రావడం సిగ్గుచేటు
• నేపాల్, బంగ్లా, భూటన్ కంటే కూడా భారత్ పరిస్థితి దిగజారింది
• దిక్కుమాలిన దివాలాకోరు విధానాలు, చేతకాని పాలనతో తల దించుకునే పరిస్థితి
• కేంద్రంలోని నేతలకు సిగ్గనిపించడం లేదా?
• ఆకలి రాజ్యాల జాబితాలో భారత్‌ది 101వ ర్యాంకు
• భాజపా, కాంగ్రెస్ దిక్కుమాలిన పాలన వల్లే 101వ ర్యాంకులో ఉంది
• తెలంగాణ సాధించిన అభివృద్ధి దేశంలో చేయడానికి చేతకాలేదు
• ధాన్యం సేకరణ కేంద్రం బాధ్యత: కేటీఆర్
• దేశ ప్రజలకు ఆహార భద్రత కల్పించాలనే ధాన్యం సేకరణ బాధ్యతను కేంద్రంపై పెట్టారు
• రాజ్యాంగంలో ధాన్యం సేకరణ బాధ్యతను కేంద్రంపైనే రాసి పెట్టారు: కేటీఆర్
• దేశంలో ఉండే పేదలకు తిండి పెడుతూ.. అవసరమైతే విదేశాలకు ఎగుమతి చేయాలి
• రాష్ట్ర ప్రభుత్వం ఐకేపీ కేంద్రాల ద్వారా కొనుగోలు చేసి ఎఫ్‌సీఐ ద్వారా కేంద్రానికి ఇస్తాం
• దాదాపు ఆరేళ్లు బాగానే నడిచింది
• ప్రాజెక్టుల ద్వారా తెలంగాణలో సాగు విస్తీర్ణం పెరిగింది
• వానాకాలంలోనే 62 లక్షల ఎకరాల్లో వరి సాగు చేస్తున్నారు
• వానాకాలం పంటలకు బాధలేదు: కేటీఆర్
• యాసంగి పంట దగ్గరే పంచాయితీ వచ్చింది: కేటీఆర్
• యాసంగిలో ఉప్పుడు బియ్యమే ఇస్తాం... రా రైస్ ఇవ్వలేమని ముందే చెప్పాం
• మనం జైకిసాన్ అంటే భాజపా వాళ్లు నై కిసాన్ అంటున్నారు
• బియ్యం కొని విదేశాలకు ఎగుమతి చేసే అధికారం రాష్ట్రాలకు లేదు
• కేంద్రమే ధాన్యం కొనుగోలు చేసి విదేశాలకు ఎగుమతి చేయాల్సి ఉంటుంది
• ఏ దేశాల్లో అవసరం ఉందో అక్కడికి ఎగుమతి చేయాలని కేంద్రానికి చెప్పాం
• యాసంగిలో వరి వద్దే వద్దని కేంద్రం మొండికేసింది
• యాసంగిలో ప్రత్యామ్నాయ పంటలు వేయాలని మేం అవగాహన కల్పించాం
• యాసంగిలో మేం వరి వద్దని చెప్పిన గంటల్లోపే బండి సంజయ్ వరి వేయమని చెబుతారు