'హస్తానిది దిల్లీకో మాట... గల్లీలో మాట'
కేంద్రం విధానాలను ప్రతిసారి తిరస్కరించే కాంగ్రెస్ పార్టీ తెలంగాణలో భాజపాతో ఎలా పొత్తుపెట్టుకుందని తెరాస ఎమ్మెల్సీ కర్నె ప్రభాకర్ నిలదీశారు. హస్తం పార్టీ ద్వంద్వ నీతిని పసిగట్టిన ప్రజలు పురఎన్నికల్లో బుద్ధి చెప్పారని అన్నారు.
కేసీఆర్ ప్రజలను నమ్ముకున్నారని, తెలంగాణ సర్కార్ పట్ల ప్రజలకున్న విశ్వాసమే గులాబీ పార్టీకి మరోసారి పట్టం కట్టిందని కర్నె తెలిపారు. బడుగు బలహీన వర్గాలకు, పేదలకు తెరాస అండగా ఉంటుందని స్పష్టం చేశారు. నగరపాలక, పురపాలిక ఛైర్పర్సన్లలో వెనుకబడిన వర్గాలకు ప్రాధాన్యమిచ్చారని వెల్లడించారు.
- ఇదీ చూడండి : సాయంత్రం తెరాస పార్లమెంటరీ పార్టీ సమావేశం
