నాయినికి నివాళి అర్పిస్తూ కన్నీటి పర్యంతమైన రమణ

మాజీ హోం మంత్రి నాయిని నరసింహారెడ్డి మృతి పట్ల తెలంగాణ సీనియర్​ ఉద్యమ కార్యకర్త బీవీ రమణ తీవ్ర దిగ్భ్రాంతి వ్యక్తం చేశారు. అంబర్​పేటలోని అలీ కేఫ్​ చౌరస్తాలో నాయిని చిత్ర పటానికి పూలమాల వేసి నివాళులర్పించి ఉద్వేగానికి లోనయ్యారు.

మాజీ హోం మంత్రి నాయిని నరసింహారెడ్డి మృతితో దిగ్భ్రాంతికి లోనైన తెలంగాణ సీనియర్ ఉద్యమ కార్యకర్త బీవీ రమణ.. నాయిని చిత్ర పటం వద్ద బోరున విలపించారు. అంబర్ పేటలోని అలీ కేఫ్ చౌరస్తాలో నాయిని చిత్ర పటానికి తెరాస నాయకులు చేగూరి రఘు బాబు, కార్యకర్తలతో కలిసి పూలమాల వేసి నివాళులర్పించారు.

ఉద్యమ సమయంలో తనకు మనోధైర్యాన్ని ఇస్తూ నాయిని చెప్పిన మాటలను రమణ గుర్తు చేసుకున్నారు. ఉద్యమ కార్యకర్తలని పట్టించుకునేవారు లేరనీ, కష్టం వచ్చినప్పుడు ధైర్యం ఇచ్చే నాయిని నర్సన్న ఇక లేరని తమ బాధలు ఎవరికి చెప్పుకోవాలని ఆవేదన వ్యక్తం చేశారు.

ఇదీ చదవండి: నాగరాజు బినామీ లాకర్​లో 1256 గ్రాముల బంగారం