తిరుమలలో శ్రీవారి సాలకట్ల బ్రహ్మోత్సవాలు నేత్రపర్వంగా సాగుతున్నాయి. ఎనిమిదో రోజు రాత్రి మహత్తరమైన అశ్వవాహనంపై స్వామివారు కొలువుదీరి కనువిందు చేశారు. బ్రహ్మోత్సవాల్లో చివరగా నిర్వహించే ఈ వాహనసేవలో.. శ్రీవారు కల్కి అవతారంలో అశ్వరూఢుడై భక్తులకు దర్శనమిచ్చారు.
క్షత్రియ లక్షణాలతో వెంకటాచలపతి..
క్షీరసాగర మథనం సమయంలో ఆవిర్భవించి దేవేంద్రుని ఆధీనంలో ఉన్న ఈ అశ్వవాహనంపై తలపాగా, దూసిన కరవాలం, విశేష తిరు ఆభరణాలను ధరించి.. క్షత్రియ లక్షణాలతో భక్తులకు స్వామివారు అభయప్రదానం చేశారు. ఆదివారం ఉదయం నిర్వహించే చక్రస్నానంతో శ్రీవారి బ్రహ్మోత్సవాలు ముగియనున్నాయి.
ఇదీ చూడండి: సర్కారు ఖజానా నింపుకునేందుకే ఎల్‌ఆర్‌ఎస్‌: అఖిలపక్షం
