తెలుగు సంవత్సరాది ఉగాది సందర్భంగా ఆంధ్రప్రదేశ్ విజయవాడలోని దుర్గామల్లేశ్వరస్వామిని రథంలో మంగళవారం ఊరేగించారు. గతంలో ఈ రథానికి సంబంధించిన నాలుగు వెండి సింహాల బొమ్మల్లో మూడు చోరీకి గురైన విషయం విదితమే. ఆ తర్వాత చోరుడి నుంచి వెండిని స్వాధీనం చేసుకోవడంతో మళ్లీ కొత్తగా నాలుగు సింహాలను తయారు చేయించారు. వాటిని తొలిసారిగా తాత్కాలికంగా అమర్చి రథోత్సవం నిర్వహించారు.
భద్రతా కారణాల నేపథ్యంలో ఊరేగింపు అనంతరం ఆ నాలుగు సింహాల బొమ్మలను తొలగించిన దేవస్థానం అధికారులు వాటిని లాకర్లో భద్రపరిచారు. రథాన్ని తిరిగి యథాస్థానంలో ఉంచారు.
ఇదీ చదవండి: పర్వదినాల వేళ.. విజృంభిస్తే ఎలా..?
