Telangana Top News: టాప్న్యూస్ @1PM

ఇప్పటి వరకు ఉన్న ప్రధాన వార్తలు

Telangana Top News today

Published : Dec 25, 2022, 12:59 PM IST

ఐదు రోజుల క్రితమే ఓ సినిమాలో నాన్న నటించారు.. ఇంతలోనే..

ఐదు రోజుల క్రితమే నాన్న ఓ సినిమాలో నటించారని చలపతిరావు కుమారుడు రవిబాబు తెలిపారు. ఆయనకు ఎన్టీఆర్‌, మంచి భోజనం, జోక్స్‌ అంటే ప్రాణమని చెప్పారు. ఎంతో అభిమానించే ఎన్టీఆర్‌తో సినిమాలు చేసే అదృష్టం తన తండ్రికి దక్కిందన్నారు.

వేరు వేరు ప్రమాదాల్లో నలుగురు యువకులు దుర్మరణం

రాష్ట్రంలో వేర్వేరు ప్రాంతాల్లో జరిగిన రో‌డ్డు ప్రమాదాల్లో నలుగురు యువకులు దుర్మరణం చెందారు. జీడిమెట్ల పరిధి గండిమైసమ్మ వద్ద అతివేగంగా వెళ్తున్న ద్విచక్రవాహనం.. రోడ్డు పక్కనే ఉన్న ఓ దుకాణం గోడను ఢీకొట్టింది. ఈ ప్రమాదంలో ఇద్దరు యువకులు మృతి చెందారు. వరంగల్ జిల్లా రాయపర్తి వద్ద ఆగి ఉన్న ట్రాక్టర్‌ను ద్విచక్రవాహనం ఢీకొట్టింది.

రైలు కిందపడి ప్రేమజంట ఆత్మహత్య

నారాయణపేట జిల్లాలో విషాదం చోటుచేసుకుంది. కృష్ణా మండలం చేగుంట రైల్వేస్టేషన్‌ సమీపంలో.. రైలు కింద పడి ఓ ప్రేమజంట బలవన్మరణానికి పాల్పడింది. సమాచారం అందుకున్న రైల్వే పోలీసులు ఘటనా స్థలికి చేరుకుని పరిశీలించారు.

పరుగులో గెలిచి.. మృత్యువు చేతిలో ఓడిపోయాడు..

ఆ యువకుడు పోలీసు ఉద్యోగం కోసం ఎంతో శ్రమించాడు. ఇటీవల జరిగిన కానిస్టేబుల్ ప్రిలిమినరీ పరీక్షలోనూ ఉత్తీర్ణుడయ్యాడు. ఈవెంట్స్ కోసం నిరంతర సాధన చేశాడు. శనివారం నిర్వహించిన పరుగు పందెంలోనూ విజయం సాధించాడు. అయితే ఆ ఆనందం అనుభవించకుండానే అనంతలోకాలకు చేరాడు.

అరుదైన వ్యాధి.. అంతులేని వ్యథ

చూడడానికి బాగానే కనిపిస్తారు.. మంచంపై నుంచి కాలు కింద మోపలేరు.. చేతులు పైకెత్తలేరు.. దేనినీ పట్టుకోలేరు.. వారి పనులు వారు చేసుకోలేరు.. ఏ తోడు లేకుండా ఇంచు కూడా కదల్లేరు.. ఒక్క మాటలో చెప్పాలంటే.. యుక్త వయసున్న పసి పిల్లలు వారు.