'నిత్యావసరాల రవాణా కోసం 32 పార్సల్​ రైళ్లు'

ఏప్రిల్ 8 నుంచి వారం పాటు దేశంలోని పలు ప్రాంతాలకు నిత్యావసరాలను రవాణా చేసేందుకు 32 పార్సల్ రైళ్లను నడిపేందుకు నిర్ణయించినట్లు దక్షిణ మధ్య రైల్వే జీఎం గజానన్​ మాల్యా పేర్కొన్నారు.

లాక్​డౌన్ కొనసాగుతోన్న ప్రస్తుత పరిస్థితుల్లో ఏప్రిల్ 8 నుంచి 14 మధ్య వారం పాటు దేశంలోని పలు ప్రాంతాలకు నిత్యావసరాలను రవాణా చేసేందుకు 32 పార్సల్ రైళ్లను నడిపేందుకు నిర్ణయించినట్లు దక్షిణ మధ్య రైల్వే జీఎం గజానన్​ మాల్యా పేర్కొన్నారు. ఇందులో కాకినాడ-సికింద్రాబాద్, రేణిగుంట-సికింద్రాబాద్, రేణిగుంట-నిజాముద్దీన్, హైదరాబాద్-అమృత్​సర్ తదితర రైళ్లు ఉన్నాయి. కొన్ని వారాల నుంచి సరుకు సరఫరా కోసం రైళ్లు నిరంతరాయంగా నడుపుతున్నట్లు అధికారులు తెలిపారు. దక్షిణ మధ్య రైల్వే ఇప్పటికే.. 4.8 లక్షల లీటర్ల పాలను, 46 టన్నుల పండ్లను హౌరా, నిజాముద్దీన్​కు సరఫరా చేసినట్లు దక్షిణ మధ్య రైల్వే ప్రకటించింది.

ఇదీ చూడండి: 'రక్తదాతలు ముందుకు వస్తే ఏర్పాట్లు చేస్తాం'