ఒక్కసారిగా హైవోల్టేజ్​... కాలిపోయిన గృహోపకరణాలు

అధికారుల నిర్లక్ష్యమో... లేక సాంకేతిక లోపమో కానీ... ఓ బస్తీలోని ఇళ్లలోకి హైవోల్టేజ్​ కరెంట్​ సరఫరా అయింది. ఈ ఘటనలో సుమారు 60 ఇళ్లల్లో గృహోపకరణాలు కాలి బూడిదయ్యాయి.

హైదరాబాద్ పాతబస్తీలోని చాదర్​ఘాట్​ మూసీ పరివాహక ప్రాంతం మూసానగర్​లో అర్ధరాత్రి హైవోల్టేజ్ కరెంట్ ఇళ్లలోకి సరఫరా అయింది. ఇళ్లలోని గృహోపకరణాలు ఒక్కసారిగా కాలి బూడిదయ్యాయి. సుమారు 60 ఇళ్లల్లో టీవీలు, ఫ్యాన్లు, ట్యూబ్ లైట్లు, ఫ్రిడ్జ్​లు కాలి బూడిదయ్యాయి. మూసానగర్ వాసులు అందరూ చాదర్​ఘాట్​ విద్యుత్ కార్యాలయానికి చేరుకుని... కాలిపోయిన గృహోపకరణాలతో ధర్నాకి దిగారు. సంబంధిత అధికారులు వచ్చి నష్టపరిహారాన్ని చెల్లించాలని డిమాండ్ చేశారు.

ఇదీ చూడండి: పెళ్లైన రెండునెలలకే చంపేశాడు.. ఆపై...