యువత నిరాశతో ఆత్మహత్యలు చేసుకుంటున్నారని, 60 శాతం పెళ్లిళ్లు విడాకులతో ముగిస్తున్నాయని.. ఓ అండ్ ఓ అకాడమీ వ్యవస్థాపకులు, తత్వవేత్తలు ప్రీతాజీ, కృష్ణాజీ తెలిపారు. మాదాపూర్ శిల్పకళా వేదికలో వారు రచించిన "ద ఫోర్ స్కేర్డ్ సీక్రెట్స్" పుస్తక ఆవిష్కరణ కార్యక్రమం ఘనంగా జరిగింది. మానవ చైతన్యాన్ని ప్రభావితం చేయగలిగే తత్వజ్ఞానంతో పాటు ధ్యాన మార్గాలను వివరిస్తూ.. ఈ పుస్తకం రచించామని పేర్కొన్నారు. తాము ప్రేమతో ఆనందంగా జీవించగలిగే పరివర్తన మనిషి ఆలోచనలో రావాల్సిన అవసరం ఉందని ప్రీతాజీ, కృష్ణాజీ అన్నారు. ప్రశాంతంగా ఉండటానికి మనసు ఏకాగ్రత పెరగటానికి ధ్యానం ఎంతో అవసరమని సినీ నటి నిత్యామీనన్ వివరించారు. ఈ కార్యక్రమంలో భాజపా ఎమ్మెల్సీ రామచందర్రావు, కేంద్ర మాజీ మంత్రి బండారు దత్తాత్రేయ, తదితరులు పాల్గొన్నారు.
ఇదీ చూడండి : '12 ఏళ్ల వ్యక్తికి సభ్యత్వం ఇచ్చిన పార్టీ తెరాస '
