Award for Mla Seetakka: ములుగు ఎమ్మెల్యే సీతక్కను సుచిరిండియా ఫౌండేషన్‌ సంస్థ (Suchirindia Foundation Organisation) సంకల్ప్ తార అవార్డుతో సత్కరించింది. కొవిడ్‌ సమయంలో ఆమె చేసిన సేవాలకుగానూ ఈ అవార్డుతో సన్మానించింది. సుచిరిండియా ఫౌండేషన్‌ ఆధ్వర్యంలో హైదరాబాద్‌ రవీంద్రభారతిలో సంకల్ప్ దివస్‌ వేడుకలు నిర్వహించారు.
ఈ కార్యక్రమంలో సినీ నటుడు తనికెళ్ల భరణి (Tanikella Bharani), పద్మశ్రీ అవార్డు గ్రహీత కనకరాజు, సుచిరిండియా ఫౌండేషన్‌ ఛైర్మన్‌ కిరణ్‌ (Suchirindia Foundation Organisation Chairman Kiran)పాల్గొన్నారు. ఈ సందర్భంగా ఎమ్మెల్యే సీతక్క (Mla Seetakka)ను సంకల్ప్ తార అవార్డుతోనూ... కొవిడ్‌ సమయంలో సేవలందించిన పలు స్వచ్ఛంద సంస్థలకు చెందిన ప్రతినిధులను సంకల్ప్ దివస్‌తో సత్కరించారు. ఈ సందర్భంగా ప్రదర్శించిన పలు సాంస్కృతిక కార్యక్రమాలు ప్రేక్షకులను అలరించాయి.
ఇదీ చదవండి: Telangana Cabinet Meeting: రేపు మధ్యాహ్నం మంత్రివర్గ సమావేశం.. ధాన్యం కొనుగోలే కీలకాంశం
