నీటిపారుదల శాఖలో మార్పులు... ఉత్తర్వులు జారీ

నీటిపారుదల శాఖను పునర్​ వ్యవస్థీకరించిన నేపథ్యంలో దానికి అనుగుణంగా కమిషనరేట్​ ఆఫ్​ టెండర్స్​లో రాష్ట్ర ప్రభుత్వం మార్పులు చేసింది. ఈ మేరకు సంబంధిత అధికారులకు ఆ శాఖ ముఖ్యకార్యదర్శి రజత్​కుమార్ ఉత్తర్వులు జారీ చేశారు.

కమిషనరేట్ ఆఫ్ టెండర్స్​లో రాష్ట్ర ప్రభుత్వం మార్పులు చేసింది. నీటిపారుదల శాఖను పునర్​వ్యవస్థీకరించిన నేపథ్యంలో అందుకు అనుగుణంగా సీఓటీలో మార్పులు చేసింది. నీటిపారుదలశాఖ జనరల్ ఇంజనీర్ ఇన్ చీఫ్... కమిషనరేట్​కు ఛైర్మన్​గా వ్యవహరిస్తారు. ఆర్​ అండ్ బీ, పంచాయతీరాజ్, ప్రజారోగ్య విభాగాల ఈఎన్సీలు లేదా సీఈలు సభ్యులుగా ఉంటారు. నీటిపారుదలశాఖ విచారణ విభాగం సీఈ, వర్క్స్-అకౌంట్స్ సంచాలకులు సీఓటీలో సభ్యులుగా ఉంటారు. ఈ మేరకు నీటిపారుదలశాఖ ముఖ్యకార్యదర్శి రజత్ కుమార్ ఉత్తర్వులు జారీ చేశారు.

ఇదీ చూడండి: ముగిసిన కృష్ణా నదీ యాజమాన్య బోర్డు త్రిసభ్య కమిటీ సమావేశం