హైదరాబాద్​లో ఇరు వర్గాల మధ్య వివాదం

ఇరు వర్గాల మధ్య వివాదం అర్ధరాత్రి పోలీసులను పరుగులు పెట్టించింది. సైదాబాద్​లో జరిగిన రోడ్డు ప్రమాదంలో గాయపడ్డ వ్యక్తి వర్గం వారు గొడవకు దిగారు. రంగంలోకి దిగిన పోలీసులు పరిస్థితిని అదుపులోకి తెచ్చారు.

హైదరాబాద్‌లో అర్ధరాత్రి ఉద్రిక్తత చోటుచేసుకుంది. సైదాబాద్​లో ద్విచక్రవాహనంపై వెళ్తున్న యువకుడు ఒకరిని ఢీ కొన్న ఘటనలో ఇరు వర్గాల మధ్య వివాదం తలెత్తింది. సమాచారం అందుకున్న పోలీసులు ఘటనా స్థలానికి పెద్ద సంఖ్యలో చేరుకున్నారు. పరిసర ప్రాంతాల్లో గస్తీ నిర్వహించారు.

వదంతులు నమ్మవద్దు

నగర పోలీసు కమిషనర్​ అంజనీకుమార్​, ఇతర పోలీసు ఉన్నతాధికారులు పరిస్థితిని సమీక్షించారు. శాంతి భద్రతలు అదుపులో ఉన్నాయని.. ప్రజలు వదంతులు నమ్మవద్దని కమిషనర్​ సూచించారు. అవాంఛనీయ ఘటనలకు పాల్పడితే ఊరుకోబోమని సీపీ హెచ్చరించారు.

ఇదీ చూడండి :90 దాటితే... బ్యాలెట్​ పేపర్లతోనే ఎన్నికలు!