'30 రోజుల ప్రణాళికతో పల్లెలకు కొత్త శోభ'

గ్రామాల అభివృద్ధికి 30 రోజుల ప్రణాళికను రూపొందించినట్లు పంచాయతీరాజ్​ శాఖ మంత్రి ఎర్రబెల్లి దయాకర్​రావు తెలిపారు. సీఎం కేసీఆర్​ ఆలోచనలతో పల్లెలను ప్రగతి పథంలో నడిపేందుకు కార్యాచరణ ప్రారంభించామని చెప్పారు. ప్రత్యేక నిధులు కేటాయించి గ్రామాల అభివృద్ధిలో ప్రజలను కూడా భాగస్వామ్యం చేస్తామని పేర్కొన్నారు.

పల్లెలకు కొత్త కళ తీసుకొచ్చేందుకే రాష్ట్రప్రభుత్వం 30 రోజుల ప్రణాళిక చేపట్టినట్లు పంచాయతీరాజ్​ శాఖ మంత్రి ఎర్రబెల్లి దయాకర్​రావు తెలిపారు. మిషన్​ భగీరథ, కాళేశ్వరం ప్రాజెక్టులను ధృడ సంకల్పంతో పూర్తి చేసిన సీఎం కేసీఆర్​ అదే చిత్తశుద్ధితో గ్రామాల రూపురేఖలు మారుస్తారని అన్నారు. సర్పంచ్​లకు పూర్తి అధికారాలు ఇచ్చామని... గ్రామాల అభివృద్ధికి నిధులు కూడా కేటాయించామని తెలిపారు. అధికారులు, ప్రజాప్రతినిధులు కలిసి పల్లెల అభివృద్ధికి కృషి చేయాలని సూచించారు. పల్లెల అభివృద్ధికై గ్రామస్థులను భాగస్వామ్యం చేసేలా ప్రణాళిక రూపొందించామన్నారు. పల్లెలను ప్రగతి పథంలో నడిపేందుకు కేసీఆర్​ చేపట్టిన కార్యాచరణ దేశానికే ఆదర్శంగా నిలుస్తోందంటోన్న పంచాయతీరాజ్​ శాఖ మంత్రి ఎర్రబెల్లి దయాకర్​రావుతో ఈటీవీభారత్​ ముఖాముఖి...

ఇదీ చూడండి : యూరియా విషయంలో రాజకీయాలొద్దు: మంత్రి నిరంజన్ రెడ్డి