ఓయూలో నూతన డైనింగ్​ హాల్​ ప్రారంభించిన వీసీ

ఉస్మానియా విశ్వవిద్యాలయంలో దాదాపు రూ. 2.50 కోట్లతో నిర్మించిన డైనింగ్​ హాల్​ను వీసీ ప్రొఫెసర్​ రామచంద్రం ప్రారంభించారు. 300 మంది భోజనం చేసేలా దీనిలో సదుపాయాలు కల్పించినట్లు వీసీ వివరించారు.

హైదరాబాద్​ ఉస్మానియా విశ్వవిద్యాలయంలో నూతనంగా నిర్మించిన డైనింగ్​ హాల్​ను వర్సిటీ వీసీ ప్రొఫెసర్​ రామచంద్రం ప్రారంభించారు. రీజినల్​ సెంటర్​ ఫర్​ అర్బన్​ అండ్​ ఎన్విరాన్మెంటల్​ స్టడీస్​ నిధులతో దీనిని నిర్మించినట్లు వీసీ తెలిపారు. దాదాపు రూ. 2.50 కోట్ల వ్యయంతో నిర్మించిన ఈ హాల్​లో 300 మంది భోజనం చేసేలా సకల సదుపాయాలు కల్పించినట్లు వివరించారు. అతిథులు ఉండడానికి నాలుగు లగ్జరీ సూట్స్​ను నిర్మించామని అన్నారు. కార్యక్రమంలో ఓయూ రిజిస్ట్రార్​ ప్రొఫెసర్​ గోపాల్​రెడ్డి, డైరెక్టర్​ పార్థసారథి, అధ్యాపకులు పాల్గొన్నారు.

ఇదీ చూడండి : పంటపొలాలను కాటేస్తున్న "ఫార్మా" కాలుష్యం