MP Nama Nageswara Rao Speech In Lok Sabha : 'కాళేశ్వరం ప్రాజెక్టుకు కేంద్రం డబ్బులు ఇవ్వలేదు.. నిరూపిస్తే రాజీనామాలకు సిద్ధం'

MP Nama Nageswara Rao Speech In Lok Sabha : కాళేశ్వరం ప్రాజెక్టుకు కేంద్రం ఒక్క పైసా కూడా ఇవ్వలేదని బీఆర్​ఎస్​ ఎంపీ నామ నాగేశ్వరరావు పేర్కొన్నారు. కేంద్రం నిధులు ఇచ్చినట్లు నిరూపిస్తే రాజీనామా చేయడానికి సిద్ధమని తెలిపారు. బీజేపీ ఎంపీలంతా అబద్ధాలు చెబుతున్నారని మండిపడ్డారు. ఎన్డీయే ప్రభుత్వంపై అవిశ్వాస తీర్మానం సందర్భంగా లోక్​సభలో ఎంపీ నామ నాగేశ్వరరావు మాట్లాడారు.

MP Nama Nageswara Rao Speech In Lok Sabha : కాళేశ్వరం ప్రాజెక్టుకు కేంద్రం ఒక్క పైసా కూడా ఇవ్వలేదని.. కేంద్రం నిధులు ఇచ్చినట్లు నిరూపిస్తే తమ పార్టీ​ ఎంపీలంతా రాజీనామా చేయడానికి సిద్ధమని బీఆర్​ఎస్​ లోక్​సభాపక్ష నేత నామ నాగేశ్వరరావు(Nama Nageswara Rao) సవాల్​ విసిరారు. ఎన్డీయే ప్రభుత్వంపై అవిశ్వాస తీర్మానం సందర్భంగా ఎంపీ మాట్లాడారు. బీజేపీ ఎంపీలంతా అబద్ధాలు చెపుతున్నారని మండిపడ్డారు. ఆ కూటమి ఎంపీలు సభను తప్పుదోవ పట్టిస్తున్నారని విమర్శించారు. ఈ మేరకు ఎంపీ నిషికాంత్​ దూబేపై బీఆర్​ఎస్​ ఎంపీలు ప్రివిలేజ్​ నోటీసులు ఇచ్చారు.

మణిపుర్​ హింసాత్మక ఘటన(Manipur Clash)పై విపక్షాలు పార్లమెంటులో అవిశ్వాస తీర్మానాన్ని ప్రవేశపెట్టాయి. ఈ మేరకు లోక్​సభ(Lok Sabha)లో అధికార పక్షాలు, విపక్షాల మధ్య తీవ్ర దుమారమే రేగుతోంది. బీఆర్​ఎస్​(BRS) తరఫున ఆ పార్టీ లోక్​సభాపక్షనేత నామ నాగేశ్వరరావు ఘాటుగానే అధికార పక్షానికి చురకలు అంటిస్తున్నారు. తెలంగాణలోని సమస్యలను లేవనెత్తుతూ.. అవిశ్వాసంపై మాట్లాడారు. మణిపుర్​ హింసాత్మక ఘటన దేశానికే సిగ్గుచేటని ఎంపీ పేర్కొన్నారు. విదేశాల్లోనూ భారత్​ పరువు మంటల్లో కలిసిందని దుయ్యబట్టారు.

Nama Nageswara Rao Roaring Speech on Manipur Issue : ప్రధాని నరేంద్ర మోదీ మణిపుర్​కు అభిలపక్షాన్ని తీసుకెళ్లి వాస్తవ పరిస్థితులు తెలుసుకోవాలని నామ నాగేశ్వరరావు డిమాండ్​ చేశారు. అక్కడ శాంతిని పునరుద్ధరించాల్సిన బాధ్యత కేంద్ర ప్రభుత్వానిదే అని స్పష్టం చేశారు. అన్ని రాష్ట్రాలను సమానంగా చూడాలని.. అందరికీ సమాన న్యాయం చేయాలని కేంద్రానికి విజ్ఞప్తి చేశారు.

ఇంకా విభజన హామీలు నెరవేర్చలేదు : ఉమ్మడి ఆంధ్రప్రదేశ్​ రాష్ట్ర విభజన జరిగి తొమ్మిదేళ్లు అవుతున్నా.. విభజన చట్టంలోని ఇంకా కొన్ని హామీలను కేంద్రం నెరవేర్చలేదని గుర్తు చేశారు. కాజీపేటకు రైల్వేకోచ్​ ఫ్యాక్టరీని మంజూరు చేయాలని.. ఆ విషయం విభజన చట్టంలో కూడా ఉందని ఎన్నిసార్లు అడిగిన ఉలుకుపలుకు లేదని దుయ్యబట్టారు. ఆ కోచ్​ ఫ్యాక్టరీలను మహారాష్ట్ర, గుజరాత్​కు తరలించి.. తెలంగాణకు కోచ్​ రిపేర్​ ఫ్యాక్టరీని ఇచ్చారని ఎద్దేవా చేశారు.

Nama Nageswara Rao Fires On Central Govt : తెలంగాణ రాష్ట్రంలో ట్రైబల్​ యూనివర్సిటీ ఏర్పాటు చేయాలని ఎప్పటినుంచో అడుగుతున్నామన్నారు. రాష్ట్రానికి మెడికల్​ కాలేజీలు, నవోదయ విద్యాసంస్థలు ఇవ్వట్లేదని నామ నాగేశ్వరరావు విమర్శలు చేశారు. వీటికోసం ఎన్నిసార్లు లేఖలు రాసిన స్పందన లేదన్నారు. గత యూపీఏ ప్రభుత్వం హయాంలో మంజూరు చేసిన ఐటీఐఆర్​ ప్రాజెక్టును కేంద్రం రద్దు చేసిందని గుర్తు చేశారు. అసలు రాష్ట్రంపై మోదీ ప్రభుత్వం ఎందుకంత వివక్ష చూపిస్తోందని ధ్వజమెత్తారు. తెలంగాణ కూడా దేశంలో భాగమే కదా అని ఎంపీ నామ పేర్కొన్నారు.