మతాల పేరుతో చిచ్చు పెట్టి ఓట్లు రాబట్టేందుకు తెరాస, భాజపాలు ప్రయత్నిస్తున్నాయని ములుగు ఎమ్మెల్యే, కాంగ్రెస్ నాయకురాలు సీతక్క విమర్శించారు. హైదరాబాద్ ఎల్బీ నగర్‌ నియోజకవర్గంలోని బీఎన్ రెడ్డి నగర్‌ డివిజన్‌లో సీతక్క ఎన్నికల ప్రచారం నిర్వహించారు. సాహెబ్‌నగర్‌లో ఇంటింటికి తిరుగుతూ కాంగ్రెస్ అభ్యర్థిని గెలిపించాలని అభ్యర్థించారు.
గత ఎన్నికల్లో ప్రాంతాలు విభేదాలు చూపించి.. నేడు మతాల పేరుతో చిచ్చు పెట్టడానికి తెరాస, భాజపా ప్రయత్నిస్తున్నాయని మండిపడ్డారు. కాంగ్రెస్ పార్టీ అన్ని మతాలకు, ప్రాంతాలకు అతీతంగా సామరస్యంగా సంప్రదాయాలను గౌరవించే విధంగా ఉంటుందని తెలిపారు. హైదరాబాద్ అభివృద్ధి కాంగ్రెస్తోనే సాధ్యమన్నారు.
హైదరాబాద్ అభివృద్ధి కాంగ్రెస్తోనే సాధ్యం: సీతక్క
- ఇదీ చదవండీ... తుపాను ప్రభావిత ప్రాంతాల్లో సీఎం జగన్ ఏరియల్‌ సర్వే
