ఆంధ్రప్రదేశ్లోని పశ్చిమ గోదావరి జిల్లా పాలకొల్లులో ఎమ్మెల్యే నిమ్మల రామానాయుడు ఇసుక ధరల పెంపుపై వినూత్నంగా నిరసన వ్యక్తం చేశారు. తోపుడు బండిపై ఇసుక ప్యాకెట్లు పేర్చుకొని రోడ్డుపై ప్రదర్శన నిర్వహించారు. ఇసుక ధర బంగారంతో సమానంగా ఉందంటూ తక్కెడలో ఓ పక్క ఇసుక, మరో పక్క బంగారాన్ని ఉంచి తూచారు.
ఇసుక లేక భవన నిర్మాణ కార్మికులు ఆర్థికంగా ఇబ్బందులు ఎదుర్కొంటున్నారని ఆవేదన వ్యక్తం చేశారు. ఇసుక ధరలు నియంత్రించాలని డిమాండ్ చేస్తూ... స్థానిక తహసీల్దార్కు వినతిపత్రం అందజేశారు.
ఇదీ చదవండి: 'ఇరు దేశాలు ఎదగడానికి ఇదే సరైన సమయం'
