రంగారెడ్డి జిల్లా జల్పల్లి మున్సిపాలిటీ ప్రాంతంలోని వాది ఏ హుద క్యాంపస్లో ఇస్లామిక్ సోషల్ సర్వీస్ సొసైటీ ఆధ్వర్యంలో కొవిడ్ రోగుల కోసం ఆస్పత్రిని ఏర్పాటు చేశారు. మంత్రి సబితా ఇంద్రారెడ్డి ముఖ్య అతిథిగా హాజరై.. ప్రారంభించారు.
ఆస్పత్రిలో 20 ఆక్సిజన్ బెడ్స్, 15 ఐసోలేషన్ బెడ్స్, 10 ఎన్ఐవీ పడకలు అందుబాటులో ఉన్నట్లు వెల్లడించారు. ఈ సందర్భంగా మాట్లాడిన సబితా ఇంద్రారెడ్డి తన నియోజకవర్గంలో ఆస్పత్రిని ఏర్పాటు చేయడం సంతోషకరమన్నారు. గతంలోనూ మిషన్ భగీరథ నీటి ట్యాంక్ నిర్మాణం, విద్యుత్ సబ్స్టేషన్ల నిర్మాణాల కోసం ఈ సంస్థ వారి స్థలాలను ఇచ్చి తమ పెద్ద మనసును చాటుకున్నారని కొనియాడారు.
జమాతే ఏ ఇస్లామి హింద్ తెలంగాణ అధ్యక్షుడు హమీద్ మహమ్మద్ ఖాన్ అధ్యక్షతన జరిగిన ఈ కార్యక్రమంలో ఉస్మానియా ఆస్పత్రి సూపరింటెండెంట్ డాక్టర్. బి.నాగేందర్, తెలంగాణ డేర్ అధ్యక్షుడు డాక్టర్ అహ్మద్ అబ్దుల్ కబీర్, ఎస్ఐవో స్టేట్ ప్రెసిడెంట్ డాక్టర్ తలాహ్ ఫయాజుద్దీన్ తదితరులు పాల్గొన్నారు.
చెక్కుల పంపిణీ..
అనంతరం జల్పల్లి మున్సిపాలిటీ కార్యాలయ ఆవరణలో 123 మంది లబ్ధిదారులకు సుమారు రూ.1.30 కోట్ల విలువ చేసే షాదీ ముబారక్ చెక్కులను పంపిణీ చేశారు. కార్యక్రమంలో జల్పల్లి మున్సిపల్ ఛైర్మెన్ అబ్దుల్లా బిన్ అహ్మద్ సాదీ, కమిషనర్ జీపీ కుమార్, బాలాపూర్ తహశీల్దార్ శ్రీనివాస్రెడ్డి, కౌన్సిలర్లు, పలువురు నేతలు తదితరులు పాల్గొన్నారు.
ఇదీ చూడండి.. సజావుగా ముగిసిన పురపాలక పరోక్ష ఎన్నికల ప్రక్రియ
