రాష్ట్ర రవాణా శాఖ మంత్రి పువ్వాడ అజయ్ తన కుమారుడు నయన్ రాజ్ పుట్టిన రోజును సినీ ప్రముఖుల మధ్య జరుపుకున్నారు. హైదరాబాద్ జూబ్లీహిల్స్లోని చిరంజీవి, ఎన్టీఆర్ నివాసాలకు వెళ్లిన పువ్వాడ... తన కుమారుడు నయన్ను పరిచయం చేసి ఆశీర్వదించాల్సిందిగా కోరారు. మెగాస్టార్ చిరంజీవి నయన్కు శుభాకాంక్షలు చెబుతూ తన నివాసంలో స్వయంగా కేక్ కట్ చేయించి ఆనందపరిచారు.
అనంతరం స్టార్ హీరో ఎన్టీఆర్ను కలిశారు. పువ్వాడ తనయుడికి తారక్తో పాటు ప్రముఖ దర్శకుడు కొరటాల శివ శుభాకాంక్షలు తెలిపారు. ఎన్నడూ లేని విధంగా సినీ ప్రముఖల మధ్య పువ్వాడ తనయుడు నయన్ పుట్టినరోజు వేడుకలు జరుపుకోవడం చర్చనీయాంశంగా మారింది. మంత్రి పువ్వాడ తన కుమారుడిని తెలుగు తెరకు పరిచయం చేయాలని భావిస్తున్నట్లు సమాచారం. అందుకే చిరంజీవి, ఎన్టీఆర్లతో సమావేశమైనట్లు టాక్ వినిపిస్తోంది.
సినీ ప్రముఖులతో పాటు మంత్రి కేటీఆర్కు పువ్వాడ తన కుమారుడిని పరిచయం చేశారు. ప్రస్తుతం వైద్య విద్య అభ్యసిస్తున్న నయన్ రాజ్కు సినీ రంగమంటే ఆసక్తిగా ఉన్నట్లు తెలుస్తోంది.
ఇదీ చదవండి: Sonu Sood: ఆక్సిజన్ ప్లాంట్ ఏర్పాటు.. తెలుగులో ట్వీట్
