సరూర్​నగర్ పరువు హత్యపై స్పందించిన కేటీఆర్.. ఏం చెప్పారంటే..

ktr tweet Saroor Nagar honor killing: సరూర్‌నగర్‌లో జరిగిన నాగరాజు పరవుహత్యపై మంత్రి కేటీఆర్ స్పందించారు. నిందితులకు చట్టప్రకారం కఠిన శిక్షలు పడేలా చర్యలు తీసుకోవాలని ట్వీట్ చేశారు.

ktr tweet Saroor Nagar honor killing: హైదరాబాద్ సరూర్‌నగర్‌లో జరిగిన నాగరాజు పరవుహత్యపై మంత్రి కేటీఆర్ స్పందించారు. నిందితులకు చట్టప్రకారం కఠిన శిక్షలు పడేలా చర్యలు తీసుకోవాలని హోంమంత్రి మహమూద్ అలీ, డీజీపీ మహేందర్ రెడ్డిని కోరారు. నాగరాజు హత్య కేసు నిందితులను 24గంటల్లో అరెస్టు చేసినట్లు రాచకొండ పోలీసులు చేసిన ట్వీట్‌పై ఆయన స్పందించారు. ఘటనపై వేగంగా స్పందించారంటూ రాచకొండ పోలీసులకు మంత్రి కేటీఆర్ ధన్యవాదాలు తెలిపారు.

అసలేం జరిగిదంటే..

రంగారెడ్డి జిల్లా మర్పల్లి గ్రామానికి చెందిన బిల్లాపురం నాగరాజు, మర్పల్లి సమీపంలోని ఘనాపూర్‌ గ్రామంలో నివసించే సయ్యద్‌ ఆశ్రిన్‌ సుల్తానా.. ఏడేళ్ల నుంచి ప్రేమించుకుంటున్నారు. ఈ విషయం తెలిసి ఆశ్రిన్‌ కుటుంబ సభ్యులు అతడిని హెచ్చరించారు. ఆశ్రిన్‌ను పెళ్లిచేసుకుందామని నిర్ణయించుకున్న నాగరాజు.. హైదరాబాద్‌లోని ఓ ప్రముఖ కార్ల కంపెనీలో కొద్దినెలల కిందట సేల్స్‌మన్‌గా చేరాడు. కొత్త సంవత్సరం రోజు ఆశ్రిన్‌ను రహస్యంగా కలుసుకున్న నాగరాజు కొద్దిరోజుల్లో పెళ్లి చేసుకుందామని చెప్పాడు. అంగీకరించిన ఆశ్రిన్​.. జనవరి చివరి వారంలో పారిపోయి హైదరాబాద్‌కు వచ్చింది. లాల్‌దర్వాజలోని ఆర్యసమాజ్‌లో జనవరి 31న ఇద్దరూ పెళ్లి చేసుకున్నారు.

వివాహం అనంతరం ఎవరూ తమను గుర్తించకుండా నాగరాజు వేరే ఉద్యోగంలోకి మారిపోయాడు. వీరు హైదరాబాద్‌లో ఉంటున్నట్లు ఆశ్రిన్‌ కుటుంబ సభ్యులు పసిగట్టడంతో కొత్తజంట రెండు నెలల కిందట విశాఖపట్నం వెళ్లి అక్కడే ఉన్నారు. ఎవరూ తమను వెంటాడటం లేదని భావించి.. అయిదు రోజుల కిందట మళ్లీ నగరానికి వచ్చారు. సరూర్‌నగర్‌లోని పంజా అనిల్‌కుమార్‌ కాలనీలో నివసిస్తున్నారు. వీరి కదలికలను గుర్తించిన ఆశ్రిన్‌ కుటుంబ సభ్యులు మాటువేశారు. బుధవారం రాత్రి నాగరాజు, ఆశ్రిన్‌లు కాలనీలోంచి బయటకు రాగానే ఆశ్రిన్‌ సోదరుడు, అతడి స్నేహితుడు బైక్‌పై వారిని వెంబడించి దాడికి పాల్పడ్డారు. నాగరాజుపై ఇనుపరాడ్లు, కత్తులతో దాడి చేసి హత్య చేశారు.

• Please make sure they are given the harshest of punishments possible as per IPC @mahmoodalitrs Ji and @TelanganaDGP Garu
  
  Thanks to @RachakondaCop for your swift action https://t.co/ZEyWK7AOJy

  — KTR (@KTRTRS) May 5, 2022 " class="align-text-top noRightClick twitterSection" data="

  Please make sure they are given the harshest of punishments possible as per IPC @mahmoodalitrs Ji and @TelanganaDGP Garu
  
  Thanks to @RachakondaCop for your swift action https://t.co/ZEyWK7AOJy

  — KTR (@KTRTRS) May 5, 2022

  ">

  Please make sure they are given the harshest of punishments possible as per IPC @mahmoodalitrs Ji and @TelanganaDGP Garu
  
  Thanks to @RachakondaCop for your swift action https://t.co/ZEyWK7AOJy

  — KTR (@KTRTRS) May 5, 2022

ఇదీ చదవండి: ప్రేమ వివాహాన్ని భరించలేకే సరూర్‌నగర్‌ హత్య: ఎల్బీనగర్ డీసీపీ