జ్వరం, దగ్గు, జలుబు కోసం మెడికల్ షాపుల్లోకి మందుల కోసం వస్తున్నట్లు తమకు తెలిసిందని ఐటీ, మున్సిపల్ మంత్రి కేటీఆర్ చెప్పారు. ఇలాంటి కేసులను పర్యవేక్షిస్తామని, లక్షాణాలను బట్టి పరీక్షలు చేస్తామని స్పష్టం చేశారు. మెడికల్ షాపులు, వాటి సంఘాలతో సమావేశం కావాలని జీహెచ్ఎంసీ జోనల్ కమిషనర్లు, జీహెచ్ఎంసీ డిప్యూటీ కమిషనర్లు, అడిషనల్ కలెక్టర్లు, మున్సిపల్ కమిషనర్లకు ఆదేశాలు జారీ చేశారు.
ఫోన్ నంబర్, చిరునామా తదితర వివరాలను సేకరించేలా మెడికల్ షాపుల వారికి సూచనలు చేయాలని వెల్లడించారు. వివరాలు తీసుకునేప్పుడు దాని వల్ల కలిగే ప్రయోజనాన్ని తెలియజేయాలని స్పష్టం చేశారు.
