రాష్ట్రంలో పెట్టుబడి పెట్టేందుకు ముందుకు వచ్చే కంపెనీకి అన్ని రకాలుగా సహకరిస్తామని మంత్రి కేటీఆర్ హామీ (minister ktr) ఇచ్చారు. హైదరాబాద్ ఇంటర్నేషనల్ కన్వెన్షన్ సెంటర్లో జరిగిన ఇండో-ఫ్రెంచ్ పెట్టుబడిదారుల సదస్సులో ఫ్రెంచ్ వ్యాపార ప్రతినిధులతో మంత్రి కేటీఆర్ చర్చలు జరిపారు (Indo-French Investors Conference) . ఇతర దేశాలు, రాష్ట్రాల నుంచి వచ్చే ప్రతిపాదనలకు సమానంగా లేదా అంతకు మించి ప్రోత్సాహకాలను తెలంగాణ రాష్ట్రం అందిస్తుందని కేటీఆర్ స్పష్టం చేశారు.
పెట్టుబడులకు అపార అవకాశాలు
హైదరాబాద్లో సినోఫి, కియోలిస్, సెయింట్ గోబెన్, సాఫ్రిన్, క్యాప్ జెమినై వంటి కంపెనీలు ఇప్పటికే రాణిస్తున్నాయని.. మరిన్ని కంపెనీలు తమ కార్యకలాపాలు ఇక్కడ విస్తరించేందుకు అపార అవకాశాలున్నాయని కేటీఆర్ తెలిపారు. రాష్ట్రంలో పారిశ్రామికీకరణకు మెరుగైన పాలసీలతో పాటు.. భూమి, విద్యుత్, నీరు, రాయితీలు, మానవ వనరులు అన్నీ సంపూర్ణంగా ఉన్నాయని.. ఫ్రెంచ్ దేశానికి చెందిన భారీ కంపెనీలతో పాటు మధ్యతరహా కంపెనీలను సైతం తెలంగాణలో రాణించొచ్చని మంత్రి కేటీఆర్ పేర్కొన్నారు. ఫ్రెంచ్ వ్యాపార వర్గాలతో ప్రత్యేకంగా సమావేశమైన మంత్రి కేటీఆర్... ఆయా కంపెనీల పెట్టుబడి ఆలోచనలు, ఆసక్తిని తెలుసుకున్నారు. తెలంగాణ రాష్ట్రంలో ఆయా రంగాల్లో ఉన్న అనుకూలతలను కంపెనీ ప్రతినిధులకు వివరించారు.
పెట్టుబడులు వచ్చేందుకు సహకరిస్తాం..
తెలంగాణలో ఇన్నోవేషన్ ఇతర రంగాల్లో అనేక అవకాశాలు ఉన్నాయని... ఫ్రెంచ్ రాయబారి (French Ambassador) ఇమ్మాన్యుయేల్ లెనైన్ అన్నారు. ఇప్పటికే అనేక ఫ్రెంచ్ వ్యాపార వాణిజ్య వర్గాలు తెలంగాణలో కార్యకలాపాలను కొనసాగిస్తున్నాయని.. తెలంగాణలో తమ పెట్టుబడి అనుభవం పట్ల, ఇక్కడి స్నేహపూర్వక వాతావరణం పట్ల తాము చాలా సంతృప్తిగా ఉన్నామని ఆయన వెల్లడించారు. తెలంగాణలోకి మరిన్ని పెట్టుబడులు వచ్చేలా సహకరిస్తామని.. దీనికి గాను ఒక ప్రత్యేక భాగస్వామ్యాన్ని ఏర్పాటు చేసేందుకు తెలంగాణ ప్రభుత్వం... ఫ్రెంచ్ వ్యాపార వర్గాలతో కలసి పనిచేస్తామని ఫ్రెంచ్ రాయబారి హామీ ఇచ్చారు.
ఇదీ చూడండి: Vemula Prashanth Reddy: 'స్టాంపులు, రిజిస్ట్రేషన్శాఖ కార్యాలయాల్లో వసతుల కల్పనకు చర్యలు'
