Minister Harish Rao: రాష్ట్రప్రభుత్వ కృషి వల్లే, వైద్యారోగ్యశాఖలో మంచి ఫలితాలు వస్తున్నాయని మంత్రి హరీశ్రావు అన్నారు. గతేడాది రాష్ట్రంలో సిజేరియన్లు 6శాతం తగ్గాయని వివరించారు. రాష్ట్ర ఆవిర్భావానికి ముందు ప్రభుత్వాసుపత్రుల్లో ప్రసవాలు 33శాతం ఉంటే ప్రస్తుతం 66శాతానికి పెరిగాయని వివరించారు. పీహెచ్సీలు, ఆశా, ఏఎన్ఎంలతో నెల‌వారీ స‌మీక్ష నిర్వహించిన హరీశ్, వ్యాధి నివారణ చర్యల్లో ప్రాథమిక ఆరోగ్య కేంద్రాల పాత్ర కీలకమని చెప్పారు.
ప్రాథమిక స్థాయిలోనే రోగాన్ని గుర్తించి, సకాలంలో వైద్యం అందిస్తే ప్రాణనష్టాన్ని తగ్గించవచ్చని తెలిపారు. గ‌ర్బిణిల ఆరోగ్యంపై ప్రత్యేకంగా దృష్టి సారించాలన్న హరీశ్రావు ప్రతిగర్భిణికి నాలుగుసార్లు తప్పకుండా ఏఎన్సీ చెకప్ చేయాలని సూచించారు. రక్తహీనత ఉన్నవారిని గుర్తించి, పర్యవేక్షించాలని చెప్పారు. రాష్ట్రంలో 43 పీహెచ్సీలకు కొత్త భవనాలు మంజూరు చేసి 67 కోట్లతో నిర్మిస్తున్నట్టు తెలిపారు. మరో 43 కోట్లతో 372 పీహెచ్సీల మరమ్మతులు చేపట్టినట్లు చెప్పారు. ప్రజలకు నాణ్యమైన సేవల కోసం 720 పీహెచ్సీలో ఇంటర్నెట్ సదుపాయం, సీసీ కెమెరాలు ఏర్పాటు చేస్తున్నట్టు మంత్రి హరీశ్రావు వివరించారు.
ఇవీ చదవండి:
