మన ఇంటి నుంచే మొదలుపెడదాం నినాదంతో హైదరాబాద్ నగర మేయర్ గద్వాల విజయలక్ష్మి జాతీయ డెంగీ దినోత్సవాన్ని నిర్వహించారు. తన కార్యాలయం ఆవరణలో పూలకుండీల్లోని నిల్వ నీటిని తీసేశారు. అనంతరం జీహెచ్ఎంసీ ఎంటమాలజీ విభాగం ఆధ్వర్యంలో నిర్వహిస్తోన్న యాంటీ లార్వా ఆపరేషన్‌ను పరిశీలించారు.
ఈ సందర్భంగా ఎన్‌బీటీనగర్ బస్తీలో ఆశా కార్యకర్తలతో కలిసి ఫీవర్ సర్వేను పరిశీలించారు. జ్వరం లక్షణాలున్న వారికి మందుల కిట్లను అందించారు. ప్రజలు తమ ఇళ్లలో నీటి నిల్వ ఉండకుండా.. ప్రతి ఆదివారం ఓ 10 నిమిషాల సమయం కేటాయించాలని మేయర్ విజ్ఞప్తి చేశారు. పరిసరాలను పరిశుభ్రంగా ఉంచుకోవాలని సూచించారు.
