హుజూర్నగర్ ఉప ఎన్నికల్లో అధికార తెరాస ప్రభుత్వం ఎన్నికల కోడ్ ఉల్లంఘనకు పాల్పడుతోందని కాంగ్రెస్ సీనియర్ నేత మర్రి శశిధర్ రెడ్డి ఆరోపించారు. నియోజకవర్గంలో ముఖ్యమంత్రి నిర్వహించే సభకు భారీ మొత్తంలో ఖర్చు చేస్తున్నారని ఆ మొత్తాన్ని అభ్యర్థి ఖర్చుగా చూపించాలని ఎన్నికల ప్రధాన అధికారికి ఫిర్యాదు చేసినట్లు తెలిపారు. నియోజక వర్గంలో పెద్ద ఎత్తున మద్యం, నగదు పంపిణీ జరుగుతోందన్నారు. ఎన్నికల కోడ్ ఉల్లంఘనలకు పాల్పడిన మంత్రులపై కేసులు నమోదు చేయాలని డిమాండ్ చేశారు. తెరాస నియంతృత్వ పాలన నుంచి బయట పడేందుకు హుజూర్నగర్ ప్రజలకు ఇదే మంచి అవకాశమన్నారు.
'ఎన్నికల కోడ్ ఉల్లంఘించిన మంత్రులపై కేసు నమోదు చేయాలి'
ఇదీ చూడండి: హుజూర్నగర్లో ప్రచార హోరు.. పందేల జోరు
