'వన్​ కోర్​ టీస్​' సామాజిక ప్రచారం ప్రారంభించిన మంచు లక్ష్మి

భూమిని కాపాడాలంటే పిల్లలకు నాణ్యమైన విద్య అవసరమని సినీనటి మంచు లక్ష్మి అన్నారు. పేద విద్యార్థులకు విద్యనందించేందుకు జింగాటిక్​ రిటైలర్స్​ సంస్థ చేపట్టిన 'వన్​ కోర్​ టీస్​' సామాజిక ప్రచారాన్ని హైదరాబాద్​లో ఆమె ప్రారంభించారు.

పేద విద్యార్థులకు నాణ్యమైన విద్యనందించేందుకు కొన్ని సంస్థలు స్వచ్ఛందంగా ముందుకు రావడం అభినందనీయమని సినీనటి మంచు లక్ష్మి తెలిపారు. ప్రభుత్వ పాఠశాలల్లో మౌలిక సదుపాయాల కల్పనకు జింగాటిక్ రిటైలర్స్ సంస్థ చేపట్టిన 'వన్​ కోర్​ టీస్​' సామాజిక ప్రచారాన్ని ఆమె నగరం​లో లాంఛనంగా ప్రారంభించారు.

ప్రభుత్వ పాఠశాలల్లో చదివే పేద విద్యార్థులకు మెరుగైన విద్య కోసం 'టీచ్ ఫర్ ఛేంజ్​' స్వచ్ఛంద సంస్థ ద్వారా మంచు లక్ష్మి కృషి చేస్తుండగా... జింగాటిక్​ సంస్థ ఏడాదిలో కోటి టీ-షర్ట్స్ లను విక్రయించి... సుమారు 5 కోట్ల రూపాయలను 'టీచ్ ఫర్ చేంజ్​'కు విరాళంగా ఇవ్వనుంది. ఆ డబ్బుతో దేశవ్యాప్తంగా టీచ్ ఫర్ చేంజ్ సంస్థ పనిచేస్తున్న 2500 పాఠశాలల్లో విద్యార్థులకు అవసరమైన వసతులు కల్పించనున్నారు.

ఇదీ చూడండి : గడ్డిఅన్నారం మార్కెట్ యార్డు.. కోహెడకు తరలింపు