'కరోనా నియంత్రణకు ప్రభుత్వం పాక్షికంగా కృషి చేస్తుంది'

సీఎం కేసీఆర్​ చెప్పినదానికి చేసిన దానికి పొంతన లేదని ఎంపీ రేవంత్​ రెడ్డి విమర్శించారు. విద్యా సంస్థల్లో ఫీజులు పెంచడానికి వీలు లేదని జీఓ విడుదల చేసిన రెండు రోజులకే మెడికల్ కాలేజీ రుసుము పెంచారన్నారు. రాష్ట్రంలో కొవిడ్​ మహమ్మారి నియంత్రణకు ప్రభుత్వం పాక్షికంగా కృషి చేస్తుందని ఆరోపించారు.

తెలంగాణలో కరోనా వ్యాప్తి నియంత్రణకు రాష్ట్ర ప్రభుత్వం చేస్తున్న కృషి పాక్షికంగా ఉందని మల్కాజిగిరి ఎంపీ రేవంత్​ రెడ్డి ఆరోపించారు. ట్రెస్ టెస్ట్ ట్రీట్ విధానం ద్వారా వైరస్​ నిర్మూలనకు కాంగ్రెస్ పార్టీ సూచించిన.. ప్రభుత్వం నిర్లక్ష్యం వహించిందని విమర్శించారు. ప్రజలు స్వచ్ఛందంగా చాలా నిబద్దతో నిబంధనలు పాటించిన.. కేసీఆర్ ఆదాయం కోసం వైన్ షాపులు ఓపెన్ చేయడం వల్ల లాక్ డౌన్ విఫలమైందన్నారు. కూకట్​పల్లి జోనల్​ కార్యాలయంలో కమిషనర్​ మమతకు ఎన్​-95 మాస్కులు అందజేశారు.

విద్యా సంస్థల్లో ఫీజులు పెంచడానికి వీలు లేదని జీఓ విడుదల చేసిన రెండు రోజులకే మెడికల్ కళాశాల రుసుములు పెంచారు. కేసీఆర్ చెప్పేదానికి చేసే దానికి పొంతన లేదు. ఓ ప్రముఖ ఆసుపత్రిలో కరోనా పాజిటివ్ వచ్చిన గోప్యంగా ఉంచారు. కొవిడ్​-19 సోకి చనిపోతే వారికి ధ్రువీకరణ పత్రం ఇవ్వడం లేదు. జర్నలిస్టులకు ఆరు నెలల పాటు రూ. పదివేల చొప్పున రాష్ట్ర, కేంద్ర ప్రభుత్వాలు చొరవ తీసుకుని సహాయం చేయాలి. ఇందుకోసం కేంద్ర, రాష్ట్ర ప్రభుత్వాలకు లేఖ రాస్తాను.

-రేవంత్​ రెడ్డి, మల్కాజి గిరి ఎంపీ

ఇదీ చదవండిః హైదరాబాద్​ను కమ్మేస్తున్న కరోనా..నగరవాసుల హైరానా..