సికింద్రాబాద్లోని పలు కూడళ్లలో ఆకలితో అలమటిస్తూ ఫుట్పాత్లపైనే నివాసం ఉంటున్న అనాథలు, యాచకుల ఆకలి తీర్చడం కోసం మలయాళీలు ముందుకు వచ్చారు. ఆల్ ఇండియా మలయాళీ అసోసియేషన్ వారు సికింద్రాబాద్లోని క్లాక్ టవర్, ప్యారడైస్ చౌరస్థాలలో రోడ్లుపై నివాసం ఉంటున్న 500 మంది అభాగ్యులకు అన్నదానం నిర్వహించారు.
ఫుట్పాత్లపై నివాసం.. మలయాళీల అన్నదానం
అన్నదానం చేసే ముందు కూడా తగు జాగ్రత్తలు తీసుకుని పంపిణీ చేయడమే కాకుండా.. దానిని స్వీకరించడానికి వచ్చిన వారి మధ్యలో రెండు అడుగులు సామాజిక దూరం పాటించమని వారిని క్యూ లైన్లో నిలుచోబెట్టి మరీ అన్నదానం చేశారు. వారికి అన్నం అందచేస్తూ కరోనా వ్యాప్తి చెందకుండా తీసుకోవలసిన జాగ్రత్తలను వివరించారు.
ఇవీ చూడండి: పారిశుద్ధ్య కార్మికులను... పట్టించుకునే నాథుడేడీ?
