Madhapur Drugs Case Updates : మాదాపూర్​ మాదకద్రవ్యాల కేసులో కీలక మలుపు.. డ్రగ్స్ వాడినట్లు అంగీకరించిన నవదీప్​

Madhapur Drugs Case Updates : మాదాపూర్​ డ్రగ్స్​ కేసులో నవదీప్ చరవాణిని స్వాధీనం చేసుకొని విశ్లేషించిన నార్కోటిక్ పోలీసులకు పెద్దగా ఆధారాలేవి లభించలేదు. డ్రగ్స్​ కేసులో సెప్టెంబర్​ 23వ తేదీన నవదీప్​ను ప్రశ్నించిన నార్కోటిక్​ పోలీసులు.. మరిన్ని వివరాలకు అతని​ చరవాణిని స్వాధీనం చేసుకున్నారు. తన ఫోన్​లోని సమాచారం మొత్తం డిలీట్ చేసి ఇవ్వడంతో.. నార్కోటిక్ విభాగం పోలీసులు సాంకేతికతను ఉపయోగించి రిట్రైవ్ చేశారు.

Tollywood Drugs Case Updates Today : రాష్ట్రవ్యాప్తంగా చర్చనీయాంశంగా మారిన మాదాపూర్​ డ్రగ్స్​ కేసు.. రోజుకో మలుపు తిరుగుతోంది. తాజాగా సినీనటుడు నవదీప్(Actor Navdeep) చరవాణిని స్వాధీనం చేసుకొని విశ్లేషించిన నార్కోటిక్ పోలీసులకు పెద్దగా ఆధారాలేవి లభించలేదు. మాదకద్రవ్యాల వాడకందారుగా నవదీప్​ను ఎఫ్ఐఆర్​లో చేర్చిన పోలీసులు.. సెప్టెంబర్​ 23వ తేదీన ప్రశ్నించారు. అనంతరం అతని చరవాణిని స్వాధీనం చేసుకున్నారు.

Actor Navdeep Updates Today : నవదీప్ తన ఫోన్​లోని సమాచారం మొత్తం డిలీట్ చేసి ఇవ్వడంతో.. నార్కోటిక్ విభాగం పోలీసులు సాంకేతికతను ఉపయోగించి రిట్రైవ్ చేశారు. అందులోనూ పెద్దగా ఆధారాలేమీ దొరకలేదు. నవదీప్​ను ప్రశ్నించిన సందర్భంలోనూ తక్కువ సందర్భాల్లో డ్రగ్స్ తీసుకున్నానని.. ప్రస్తుతం మానేశానని నార్కోటిక్ విభాగం పోలీసులకు తెలిపాడు. మాదక ద్రవ్యాల వాడకందారుగా నవదీప్​ను చేర్చిన పోలీసులు.. నేరాభియోగ పత్రంలోనూ నిందితుడిగా చేర్చనున్నారు.

Tollywood Drugs Case Updates : ఇప్పటికే ఈ కేసులో 11 మందిని పోలీసులు అరెస్ట్ చేసి రిమాండ్​కు తరలించారు. ఇందులో సినీ రంగానికి చెందిన వాళ్లు కూడా ఉన్నారు. వైజాగ్​కు చెందిన రాంచంద్​ను అరెస్ట్ చేసిన పోలీసులు.. అతని వాట్సాప్ చాటింగ్​లో నవదీప్​ను గుర్తించారు. మరికొంత మంది నిందితులైన కలహర్ రెడ్డి, స్నాట్ పబ్ యజమాని సూర్య, టెర్రా కేఫ్ యజమాని అర్జున్​లను సైతం నిందితులుగా చేర్చారు. వీళ్లను కూడా పిలిచి ప్రశ్నించారు.

స్నాట్ పబ్, టెర్రా కేఫ్​లోనూ ప్రత్యేకంగా ఓ గది కేటాయించి అందులో మాదక ద్రవ్యాలు సేవించినట్లుగా పోలీసులు ఆధారాలు సేకరించారు. ప్రతి సోమవారం గుడిమాల్కాపూర్ పీఎస్​కు.. నిందితులు వచ్చి సంతకాలు చేసి వెళ్తున్నారు. ఈ కేసులో ఇంకా ఎవరైనా నిందితులుగా ఉన్నారా అనే కోణంలో పోలీసులు ఆరా తీస్తున్నారు. ముగ్గురు నైజీరియన్లను అరెస్ట్ చేసిన నార్కోటిక్ విభాగం పోలీసులు.. ఆ ముగ్గురి నుంచే రాంచంద్, వెంకటరత్నారెడ్డి, బాలాజీ మాదక ద్రవ్యాలు కొనుగోలు చేస్తున్నట్లు గుర్తించారు. ముగ్గురు నైజీరియన్లకు ఎక్కడి నుంచి డ్రగ్స్ తీసుకొస్తున్నారనే వివరాలను రాబట్టే పనిలో పోలీసులు నిమగ్నమయ్యారు.

Hyderabad Drugs Case : ఈ ఏడాది సెప్టెంబరు 14న గుడి మల్కాపుర్ పోలీసులతో కలిసి నార్కోటిక్స్ బ్యూరో అధికారులు ముగ్గురు నైజీరియన్స్, ఓ దర్శకుడితో పాటు నలుగురిని అరెస్ట్ చేశారు. ఆ ముఠా నుంచి పలు రకాల డ్రగ్స్​ స్వాధీనం చేసుకున్నారు. వారి విచారణలో భాగంగా నవదీప్‌తో సంప్రదింపులు జరిపినట్లు తేలడంతో అతడినీ నిందితుడిగా చేర్చారు.