భాగ్యనగరంలో కార్తీక వైభవం

కార్తీక పౌర్ణమి పురస్కరించుకుని భాగ్యనగరంలోని దేవాలయాలు భక్తులతో కిటకిటలాడుతున్నాయి. మహిళలు పరమేశ్వరునికి ప్రత్యేక పూజలు నిర్వహించి కోనేరులో దీపాలు వదులుతున్నారు.

కార్తీక పౌర్ణమి సందర్భంగా హైదరాబాద్​లోని సైదాబాద్​, కర్మానఘాట్, మలక్​పేట, సంతోష్​నగర్​ దేవాలయాలు భక్తులతో కిటకిటలాడుతున్నాయి. భక్తులు కుటుంబ సమేతంగా సంతోష్​నగర్​లోని వేంకటేశ్వరస్వామి వారిని దర్శించుకుని కోనేరులో దీపాలు వదులుతున్నారు.

కార్తీక పౌర్ణమి పురస్కరించుకుని స్వామి వారికి పంచామృతాలతో అభిషేకం చేసి, పుష్పార్చన నిర్వహించారు. సాయంత్రం 6 గంటలకు ఆకాశ దీపోత్సవం, సహస్ర దీపారాధన సేవ, సామూహిక లక్ష్మీ నారాయణ వ్రతాలు నిర్వహిస్తామని ఆలయ ప్రధానార్చకులు తెలిపారు.

• ఇదీ చూడండి : కార్తీక పూర్ణిమం... శివకేశవులకు ఎంతో ప్రీతిపాత్రం